રાજકોટ આરટીઓ અને ટ્રાફિક પોલીસ દ્રારા જામનગર રોડ પર ઘંટેશ્વર પાસે રાત્રીના સંયુકત ડ્રાઈવ હાથ ધરી હતી અને વાહનમાં મોડીફાઇ કરેલી એલઇડી લાઈટ લગાવી નીકળતા ૨૧ વાહન ચાલકોને ૩૧૦૦૦ના દંડના મેમો આપવામાં આવ્યા હતા.
વાહનમાં સેન્ટ્રલ ગવર્મેન્ટની એજન્સી દ્રારા સેન્ટ્રલ મોટર વ્હીકલ એકટ ૧૨૬ મુજબ વેરીફાઈ કરવામાં આવેલી વાઈટ હેડ લાઈટ ફિટ કરવામાં આવે છે પરંતુ મોટાભાગના વાહન ચાલકો આ વ્હાઇટ લાઈટ બદલી અને હાઇવોટ સાથેની એલઇડી લાઈટ ફિટિંગ કરાવી રોડ પર ધોળો દિવસ હોઈ એવો પ્રકાશ ફેંકે છે. જેના કારણે સામેથી આવતા વાહન ચાલકોની આંખો અંજાતાં અકસ્માતનો ભય સતત રહે છે. આવી ગેરકાયદેસર રીતે મોડીફાઇ કરી ફિટ કરવામાં આવતી વ્હાઇટ લાઈટ તેમજ વધારાની એલઇડી લાઈટ લાગવી નીકળતા વાહન ચાલકો અને વેચાણ કરતાઓ સામે આજકાલ દ્રારા ઝુંબેશ હાથ ધરવામાં આવી હતી. જે બાદ આરટીઓ દ્રારા અનેક વખત ડ્રાઈવ યોજી ગેરકાયદેસર રીતે વ્હાઇટ લાઈટ સાથે નીકળતા વાહન ચાલકોને દડં ફાટકરાવામાં આવ્યો હતો. પરંતુ ટ્રાફિક પોલીસને જાણે રસ જ ન હોઈ એ રીતેની ઠોસ કામગીરી જોવા મળી નથી
ગઈકાલે આરટીઓ કે.એમ.ખપેડની સૂચનાથી ઇન્સ્પેકટર સહિતની ટિમ અને ટ્રાફિક પોલીસની સંયુકત રીતેની ઘંટેશ્વર નજીક સ્પેશિયલ ડ્રાઈવ દરમિયાન ગેરકાયદેસર રીતે મોડીફાઇ કરેલી વ્હાઇટ એલઇડી લાઈટ સાથે નીકળેલા ૨૧ વાહન ચાલકોને રોકી દડં ફટકારવામાં આવ્યો હતો