ગુરુવારે સ્વિટ્ઝર્લૅન્ડના દાવોસમાં વર્લ્ડ ઇકોનોમિક ફોરમને અમેરિકાના રાષ્ટ્રપતિ ડોનાલ્ડ ટ્રમ્પે સંબોધન કર્યું. તેમણે સાઉદી અરેબિયાને તેલના ભાવ ઘટાડવા અને અમેરિકામાં રોકાણ એક ટ્રિલિયન ડોલર સુધી વધારવા અપીલ કરી.

ટ્રમ્પે વીડિયો કોન્ફરન્સ દ્વારા કહ્યું, 'મેં ગ્રીન ન્યૂ ડીલને ખત્મ કરી દિધી છે.' હું તેને ગ્રીન ન્યૂ સ્કેમ કહું છું: મેં એકપક્ષીય રીતે પેરિસ ક્લાયમેટ એગ્રીમેન્ટમાંથી ખસી ગયો અને મોંઘા ઇલેક્ટ્રિક વાહનના આદેશને દૂર કર્યો. અમેરિકા પાસે પૃથ્વી પરના કોઈપણ દેશ કરતાં સૌથી વધુ તેલ અને ગેસ છે, અને આપણે તેનો ઉપયોગ કરીશું. હું સાઉદી અરેબિયા અને ઓપેકને પણ તેલના ભાવ ઘટાડવા કહીશ, તમારે તે ઘટાડવા પડશે.

'તેલના ભાવ ઘટશે તો રશિયા-યુક્રેન યુદ્ધ થશે બંધ'

રાષ્ટ્રપતિ ટ્રમ્પે એવો પણ દાવો કર્યો હતો કે જો તેલના ભાવ ઘટશે તો રશિયા-યુક્રેન યુદ્ધનો અંત આવશે. તેમણે કહ્યું, 'જો કિંમતો ઘટશે તો રશિયા-યુક્રેન યુદ્ધ તરત જ સમાપ્ત થઈ જશે.' હું માંગ કરીશ કે વ્યાજ દર તાત્કાલિક ઘટાડવામાં આવે. આખી દુનિયામાં તેમને ઘટાડવું જોઈએ.

'તમારા ઉત્પાદન અમેરિકામાં બનાવો નહીંતર ટેરિફ ચૂકવો'

વર્લ્ડ ઇકોનોમિક ફોરમને સંબોધતા, ટ્રમ્પે વિશ્વભરના ઉદ્યોગપતિઓને સ્પષ્ટ સંદેશ આપ્યો કે તેઓએ તેમના ઉત્પાદન કામગીરી અમેરિકામાં લાવવા જોઈએ, નહીં તો ટેરિફ વધારાનો સામનો કરવા માટે તૈયાર રહો.

ટ્રમ્પે કહ્યું, 'દુનિયાના દરેક વ્યવસાય માટે મારો સંદેશ ખૂબ જ સરળ છે. અમેરિકામાં આવો અને તમારું ઉત્પાદન બનાવો અને અમે તમને વિશ્વના કોઈપણ દેશની તુલનામાં સૌથી ઓછો ટેક્સ આપીશું.

તેમણે ભારપૂર્વક જણાવ્યું હતું કે, તેઓ તેમના ઉત્પાદનો ક્યાં બનાવે છે તે પસંદ કરવા માટે સ્વતંત્ર છે, પરંતુ યુ.એસ.માં ઉત્પાદન બંધ કરવાથી નાણાકીય પરિણામો આવશે. જો તમે તમારા ઉત્પાદનનું ઉત્પાદન અમેરિકામાં નહીં કરો, તો તમારે ટેરિફ ચૂકવવા પડશે.