આગામી દિવસોમાં વધુ કડક કાર્યવાહી કરવાનો નિર્દેશ આપતું કોર્પોરેશન: વેરો નહીં ભરો તો થશે મિલ્કત જપ્ત

જામનગર મહાનગરપાલિકા દ્વારા રિબેટ યોજના પુરી થયા બાદ તરત જ બીજા દિવસે મીલ્કત વેરો ન ભરનારાઓ સામે કડક કાર્યવાહીનો દંડો ઉગામવામાં આવ્યો છે, ગઇકાલે વધુ ૯ મિલ્કતો જપ્ત કરવામાં આવી છે જેમાં ત્રણ આસામીઓએ સ્થળ પર લગભગ કુલ એકાદ લાખ જેટલો વેરો ભરી દેતા તેમની મિલ્કત છોડી દેવામાં આવી છે.
મ્યુ.કમિશ્નર ડી.એન.મોદી અને ડીએમસી ભાવેશ જાનીની સુચનાથી નાયબ કમિશ્નર (ટેકસ), જીગ્નેશ નિર્મલના માર્ગદર્શન હેઠળ મનહરભાઇ, પ્રવિણભાઇ અને કિશોરભાઇના ૨૩૯૦૦, નરેન્દ્ર વડગામા ૪૯૧૦૦, અ.ગફાર સુલેમાન (લકી બોકસ) ૫૦૦૦, સવજીભાઇ ૬૩૨૧૦, સાગરભાઇ ૩૨૩૦૦ની મીલ્કત જપ્ત કરવામાં આવી છે.
આ ઉપરાંત ભાનુશાળી ભરતકુમાર અને કમલેશભાઇ કે.નાખવાના ૨૩૩૪૯, સૂર્ય ડેવ. ભાગીદારી પેઢી યુવરાજસિંહ મંગળસિંહ જાડેજા ૫૧૦૪૧૬, લીલાવંતીબેન કરશનભાઇ રાયઠઠ્ઠાના ૮૦૬૭૮ ન ભરતા મિલ્કત જપ્ત કરવામાં આવી હતી જયારે ગની ઇબ્રાહીમ (સ્ટાર પ્રોવીઝન)ના ૫૦૦૦, મસ્ત સાયકલ સર્વિસ ૨૮૪૦૩, શેખ ઇકબાલભાઇ ૫૦૦૦ એ વેરો ભરી દેતા તેમની મિલ્કત જપ્ત કરવામાં આવી ન હતી.