વડાપ્રધાન નરેન્દ્ર મોદીની વૈશ્વિક નેતા તરીકેની ઓળખ હવે વધુ મજબૂત બની છે. વિશ્વના એક મોટા રોકાણકારનું કહેવું છે કે પીએમ મોદીમાં તે તમામ બાબતોનો સમાવેશ થાય છે જે તેમને 'નોબેલ શાંતિ પુરસ્કાર' મેળવવા માટે લાયક બનાવે છે. વડાપ્રધાન નરેન્દ્ર મોદી વૈશ્વિક નેતા તરીકે ઓળખાય છે. હવે તેમની આ ઓળખ વધુ મજબૂત બની છે. વિશ્વના સૌથી મોટા રોકાણકારોમાંના એક માર્ક મોબિયસનું કહેવું છે કે પીએમ મોદી ખરેખર 'નોબેલ શાંતિ પુરસ્કાર'ના હકદાર છે.

દુનિયાના મોટા રોકાણકાર માર્ક મોબિયસએ કરી માંગણી 

મોબિયસ ઇમર્જિંગ ઓપોર્ચ્યુનિટીઝ ફંડના 88 વર્ષીય ચેરમેન માર્ક મોબિયસનું કહેવું છે કે પીએમ મોદી વિશ્વ માટે મહત્વપૂર્ણ શાંતિ નિર્માતા બની શકે છે. તે પણ જ્યારે દુનિયા ઉથલપાથલમાંથી પસાર થઈ રહી છે. માર્ક મોબિયસનું ફંડ ઉભરતી અર્થવ્યવસ્થાઓમાં નવી તકો પર ધ્યાન કેન્દ્રિત કરે છે. ન્યૂઝ એજન્સી સાથેની વાતચીતમાં માર્ક મોબિયસે કહ્યું કે પશ્ચિમ એશિયામાં ચાલી રહેલા સંઘર્ષ અને રશિયા-યુક્રેન યુદ્ધના કારણે વિશ્વમાં ઉથલપાથલ વચ્ચે પીએમ મોદી ખૂબ જ મહત્વપૂર્ણ શાંતિ નિર્માતા બની શકે છે.

 તેમણે વાતચીત કરતાં આગળ કહ્યું કે “PM મોદી માત્ર એક મહાન નેતા જ નથી પણ એક મહાન માનવી પણ છે. તે ખૂબ જ સારી વ્યક્તિ છે. મને લાગે છે કે વૈશ્વિક સ્તરે તેમની ભૂમિકા ભવિષ્યમાં વધુ વધશે. તે વૈશ્વિક સ્તરે રાજકીય સ્પેક્ટ્રમની તમામ બાજુઓ સાથે વાતચીત કરવામાં સક્ષમ છે. "તે ભવિષ્યમાં એક મહત્વપૂર્ણ શાંતિ નિર્માતા બની શકે છે."

માર્ક મોબિયસે કહ્યું કે જ્યારે નોબેલ શાંતિ પુરસ્કારની વાત આવે છે, ત્યારે પીએમ મોદી "ખરેખર કંઈપણ કરવા સક્ષમ છે" અને આ વૈશ્વિક પુરસ્કારને પાત્ર છે.