ખંભાળિયાના કાર્યકરો દ્વારા આવકાર

સમગ્ર વિશ્વમાં ભારતનો ડંકો વગાડી અને દેશને ઊંચાઈના શિખરો સુધી પહોંચનારા ભારતના વડાપ્રધાન નરેન્દ્રભાઈ મોદીની કાર્યશૈલીને દેશ-વિદેશના નેતાઓએ પણ વખાણી છે. સમગ્ર વિશ્વમાં સૌથી વધુ ટ્વીટર હેન્ડલ (એક્સ) પર ફોલોઅર ધરાવતા રાજકીય નેતાઓમાં નરેન્દ્રભાઈ મોદી 10 કરોડ સાથે અગ્ર ક્રમે રહેતા ખંભાળિયા સહિત જિલ્લાના નેતાઓએ આ સિદ્ધિને પણ આવકારી છે.

અત્રે ઉલ્લેખનીય છે કે ઇન્ડિ ગઠબંધનના રાહુલ ગાંધીના 26.4 મિલિયન, કેજરીવાલના 27.5 મિલિયન અખિલેશના 19.9 મિલિયન ફોલોવર છે. જે તમામની તુલનામાં તેઓ કરતાં વધુ ફોલોઅર 100 મિલિયન નરેન્દ્ર મોદીના છે.

આ બાબતને ખંભાળિયાના ધારાસભ્ય અને કેબિનેટ મંત્રી મુળુભાઈ બેરા, હાલારના સાંસદ પૂનમબેન માડમ, જિલ્લા ભાજપ પ્રમુખ મયુરભાઈ ગઢવી, નગરપાલિકાના પ્રમુખ રચનાબેન મોટાણી, અનિલભાઈ તન્ના, ઈન્દ્રજીતસિંહ પરમાર, હસમુખભાઈ ધોળકિયા, મુકેશભાઈ કાનાણી, રેખાબેન ખેતિયા, અશોકભાઈ કાનાણી, ભવ્ય ગોકાણી, વિગેરેએ સોશિયલ મીડિયા પર આવકારી તેમને અભિનંદન પાઠવ્યા છે.