વાઘાવાડી, પાણીની ટાંકી, હિમાલયા મોલ તેમજ દેવુબાગ સહિતના વિસ્તારોમાંથી દબાણો હટાવાયા :નડતરરૂપ મુકાયેલ વાહનને લોક ઠપકારી દંડ વસુલાયો   ભાવનગર મહાપાલિકાના એસ્ટેટ વિભાગ અને દબાણ હટાવ સેલ દ્વારા ગત સપ્તાહ ગઢેચી શુદ્ધિકરણ યોજના આડેના દબાણો સામે લગાતાર ૬દિવસ સુધી કાર્યવાહી હાથ ધરાય બાદ રજાના એક દિવસના વિરામ બાદગત મોડી સાંજથી શહેરના વિવિધ વિસ્તારોમાં ડબસનો સામે કાર્યવાહી હાથ ધરી હતી અને નાનામોટા દબાણો હટાવી માલ-સામાન જપ્ત કરાયો હતો. મહાપાલિકાના એસ્ટેટ વિભાગ અને દબાણ હટાવ સેલ દ્વારા ગત મોડી સાંજ શહેરના નીરૂબેન  બોર્ડિંગ થી પાણીની ટાંકી સુધીના વિસ્તારમાં થયેલા  દબાણો હટાવાયા હતા.  ઉપરાંત હિમાલય મોલ સામેના ભાગે ફૂટપાથ પર થયેલા નાનામોટા અસ્થાયી પ્રકારના દબાણો હટાવી માલસામાન જપ્ત કરાયો હતો. તેમજ નડતરરૂપ મુકાયેલ વાહનને લોક ઠપકારી દંડ વસુલાયો હતો.જયારે શહેરના દેવુબાગ વિસ્તારમાંથી પણ દબાણો હટાવાયા હતા.