આજે પાકિસ્તાનના પૂર્વ વડાપ્રધાન ઈમરાન ખાનની ધરપકડ બાદ પાકિસ્તાનમાં હિંસા ફાટી નીકળી છે. ત્યારે પાકિસ્તાનમાં માર્શલ લો લાગુ કરવાની તૈયારીઓ ચાલી રહી છે. ઉલ્લેખનીય છે કે સેનાના શાસન માટે પાક ગૃહ મંત્રાલયને દરખાસ્ત મોકલવામાં આવી છે.

PTIનાં સમર્થકોએ ઠેર-ઠેર કરી તોડફોડ

પાકિસ્તાનના પૂર્વ વડાપ્રધાન અને પીટીઆઈના વડા ઈમરાન ખાનની ધરપકડ કરવામાં આવી છે. ઈમરાનની પાકિસ્તાન રેન્જર્સે ઈસ્લામાબાદ હાઈકોર્ટમાંથી ધરપકડ કરી છે. ઈમરાન ખાનની ધરપકડ બાદથી ઈસ્લામાબાદમાં હિંસા ફાટી નીકળી છે. તેમના ઘણા સમર્થકો રસ્તા પર આવી ગયા છે.

PROTESTS GROW AS VEHICLES IN PAKISTAN ARE SET ON FIRE AFTER IMRAN KHAN ARREST. pic.twitter.com/NDq9CoOhwA

— SHAHEEN SEHBAI (@SSEHBAI1) May 9, 2023

સમગ્ર દેશમાં કલમ 144 લાગૂ

પાકિસ્તાનના પૂર્વ પીએમ ઈમરાન ખાનની ધરપકડ બાદ તેમના ઘણા સમર્થકો રસ્તા પર આવી ગયા છે. ઈસ્લામાબાદમાંથી આવી તસવીરો સામે આવી રહી છે જેમાં આગચંપી અને તોડફોડ સમર્થકો કરી રહ્યા છે. મામલાની ગંભીરતાને જોતા પોલીસે સમગ્ર પાકિસ્તાનમાં કલમ 144 લાગુ કરી દીધી છે અને પોલીસ સ્પષ્ટપણે કહે છે કે ઉલ્લંઘન કરનારાઓ સામે કાર્યવાહી કરવામાં આવશે. તમને જણાવી દઈએ કે અલ કાદિર ટ્રસ્ટ સાથે જોડાયેલા કેસમાં ઈમરાનની ધરપકડ કરવામાં આવી છે.

સૈન્યનાં સરકારી આવાસમાં ઘુસીને ફેલાવી હિંસા

The house of #CorpsCommander Lahore was set on fire#ImranKhan had explained to them not to make #Pakistan like #SriLanka.. They didn’t listen to himpic.twitter.com/EPgQRf0hdr

— ???????Rajput Musa Mushtaq Hussain. ﷽ ?? (@MMHussainUK22) May 9, 2023

પૂર્વ પીએમ ઈમરાન ખાનની ધરપકડ બાદ તેમના ઘણા સમર્થકો રસ્તા પર આવી ગયા છે. અને ઠેર ઠેર આંગચંપી કરી રહ્યા છે. આ સાથે સાથે સૈન્યના સરકારી આવાસમાં પણ ઘુસીને હિંસા ફેલાવી રહ્યાના દ્રશ્યો સામે આવ્યા છે.

આ શહેરોમાં થઈ રહ્યા છે વિરોધ પ્રદર્શન

પાકિસ્તાનમાં અલગ અલગ શહેરમાં હિંસા ફાટી નીકળી છે. જેમાં પેશાવર, લાહોર, ફૈસલાબાદ, મુલ્તાન, વિહાદી, ગિલગિટ, કરાચી, ખાનેવાલ, ગુજરાંવાલા, રહીમ યાર ખાન, બહાવલપુર, ચારસદ્દા, સરગોધા સહિતના શહેરોમાં સમર્થકો બહાર આવી તોડફોડ કરી રહ્યા છે.