પટનાના ગાંધી મેદાનમાં ઉપવાસ કરી રહેલા પ્રશાંત કિશોર મુશ્કેલીમાં ફસાયા છે. પટના પોલીસે પ્રશાંત કિશોર વિરુદ્ધ FIR નોંધી છે. જન સૂરજ પાર્ટીના પ્રશાંત કિશોર તેમના લગભગ 150 કાર્યકર્તાઓ સાથે પટનાના ગાંધી મેદાન ખાતે ગાંધી પ્રતિમા પાસે 5 મુદ્દાની માંગ સાથે ધરણા કરી રહ્યા છે. પ્રશાંત કિશોર ઉપવાસ પર અડગ છે.

પીકે મંજૂરી વગર ગાંધી મેદાનમાં કરી રહ્યા છે ઉપવાસ

મળતી માહિતી પ્રમાણે પટના હાઈકોર્ટના આદેશ અનુસાર વિરોધ પ્રદર્શન માટે ગર્દનીબાગમાં એક જગ્યા નક્કી કરવામાં આવી છે. છેલ્લા 7 વર્ષોથી તમામ રાજકીય પક્ષો તેમની માંગણીઓ સાથે એક જ જાણીતા સ્થળ પર વિરોધ પ્રદર્શનનું આયોજન કરી રહ્યા છે. પરંતુ પ્રશાંત કિશોર પરવાનગી વિના હડતાળ પર બેસી ગયા. ત્યારબાદ વહીવટીતંત્ર એક્શનમાં આવ્યું અને એફઆઈઆર નોંધી.

પ્રશાસને કહ્યું છે કે પ્રતિબંધિત અને અનધિકૃત જગ્યાએ પરવાનગી વિના પ્રશાંત કિશોરનો વિરોધ ગેરકાયદેસર અને સ્થાપિત પરંપરાની વિરુદ્ધ છે. આ માટે તેમની સામે એફઆઈઆર નોંધવામાં આવી રહી છે અને નોટિસ પાઠવવામાં આવી રહી છે અને વિરોધ કાર્યક્રમને નિર્ધારિત સ્થળ ગર્દનીબાગમાં ખસેડવા જણાવવામાં આવી રહ્યું છે, અન્યથા આગળની કાયદેસરની કાર્યવાહી કરવામાં આવશે.