કલ્કી 2898 એડી આ વર્ષની સૌથી મોટી ફિલ્મોમાંની એક છે. પ્રભાસ, અમિતાભ બચ્ચન, દીપિકા પાદુકોણ, કમલ હાસનની ફિલ્મ 27 જૂને સિનેમાઘરોમાં રિલીઝ થઈ હતી. આ ફિલ્મને ખૂબ જ સારી ઓપનિંગ મળી છે. પ્રથમ દિવસે  ફિલ્મે 95 કરોડ રૂપિયાની કમાણી કરી છે. પ્રભાસ અને અમિતાભ બચ્ચનની ફિલ્મ રિલીઝ થયાના થોડા જ કલાકોમાં લોકોના રિવ્યુ આવવા લાગ્યા હતા. કેટલીક ખામીઓ હોવા છતાં પણ લોકોને આ ફિલ્મ ખૂબ જ પસંદ આવી રહી છે.

ભારતમાં ફિલ્મે પહેલા દિવસે કેટલી કમાણી કરી?

અહેવાલ મુજબ, કલ્કી 2898 એડીએ બોક્સ ઓફિસ પર પ્રથમ દિવસે ભારતમાં 95 કરોડ રૂપિયાનું કલેક્શન કર્યું છે (તેલુગુમાં 64.5 કરોડ, તમિલમાં 4 કરોડ, હિન્દીમાં 24 કરોડ, કન્નડમાં 0.3 કરોડ અને 2.2 કરોડ રૂપિયા) આ ફિલ્મ પાંચ ભારતીય ભાષાઓમાં રિલીઝ થઈ છે. ફિલ્મના વર્લ્ડવાઈડ કલેક્શનની વાત કરીએ તો ફિલ્મે લગભગ 180 કરોડ રૂપિયાની કમાણી કરી છે.

આ ફિલ્મોને છોડી પાછળ

પ્રથમ દિવસે આ અદ્ભુત બોક્સ ઓફિસ કલેક્શન સાથે કલ્કી 2898 એડીએ KGF 2 (રૂ. 159 કરોડ), સલાર (રૂ. 158 કરોડ), લીઓ (રૂ. 142.75 કરોડ), સાહો (રૂ. 130 કરોડ) અને જવાનનાં(રૂ. 129 કરોડ) વૈશ્વિક કલેક્શનનો રેકોર્ડ પણ તોડી નાખ્યો છે.

વિશ્વવ્યાપી કલેક્શન વિશે વાત કરીએ તો RRR અને બાહુબલી 2 હજુ પણ પ્રથમ અને બીજા સ્થાને તેમનું સ્થાન જાળવી રાખે છે. RRR એ વિશ્વભરમાં રૂ. 223.5 કરોડની કમાણી કરી હતી અને બાહુબલી 2 એ પ્રથમ દિવસે રૂ. 214 કરોડની કમાણી કરી હતી.

કમલ હાસન ખલનાયકની ભૂમિકામાં

આ ફિલ્મમાં પ્રભાસ ભૈરવનું પાત્ર ભજવી રહ્યો છે. આ ફિલ્મમાં પ્રભાસ અને અમિતાભ બચ્ચનના ફાઈટ સીનની પણ ટ્વિટર પર ખૂબ પ્રશંસા થઈ રહી છે. આ ફિલ્મમાં પ્રભાસ અને અમિતાભ બચ્ચનની સાથે દીપિકા પાદુકોણ અને કમલ હાસન પણ જોવા મળશે. આ ફિલ્મમાં કમલ હાસને વિલનની ભૂમિકા ભજવી છે.