કલ્કિ 2898 એડીએ બોક્સ ઓફિસ પર ઘણા રેકોર્ડ બનાવ્યા છે અને તેની વર્લ્ડ વાઈડ કમાણી 1100 કરોડની આસપાસ છે, તેમ છતાં ફિલ્મને ક્રિટિક્સ તરફથી સારો રિસ્પોન્સ નથી મળ્યો. પબ્લિક સેન્ટિમેન્ટ પણ આ ફિલ્મને લઈને પોઝિટિવ નહોતા. ઘણા લોકોને ફિલ્મ ધીમી અને બોરિંગ લાગી હતી. ફર્સ્ટ હાફને લઈને એટલી ફરિયાદ આવી હતી કે નિર્દેશક નાગ અશ્વિનને તેના બિલ્ટઅપને લઈને જવાબ આપવો પડ્યો હતો. હવે બોલિવૂડ એક્ટર અરશદ વારસીએ પણ ફિલ્મને લઈને સુપરસ્ટાર એક્ટર પ્રભાસને ઘેરી લીધો છે.
અરશદ વારસીએ કહ્યું કે, તેને કલ્કી ફિલ્મ જરાય પસંદ નથી આવી. તેને આ ફિલ્મમાં અમિતાભ બચ્ચના ભરપૂર વખાણ કર્યા છે. તો બીજી તરફ પ્રભાસના રોલને લઈને મેકર્સને આડેહાથ લીધા હતા.
અમિતાભ બચ્ચન, દીપિકા પાદુકોણ, અને કમલ હસન જેવા સ્ટાર્સ આ ફિલ્મમાં છે. અરશદ વારસીએ કહ્યું, મેં કલ્કિ જોઈ, મને તો સારી ન લાગી. મને ઘણી તકલીફ થાય છે .અમિતજીએ ઘણું સારું કામ કર્યું છે. હું તે વ્યક્તિને ક્યારેય નથી સમજી શક્યો. હું કસમથી કહું છું કે, આપણા બધામાં તે વ્યક્તિ જેવો પાવર હોય તો આપણી બધાની લાઈફ બની જાય. તેઓ ઘણા અનરિયલ છે. એક તરફ જ્યાં અમિતાભ બચ્ચનના વખાણ કર્યા તો ભૈરવાના રોલ માટે પ્રભાસની ટીકા કરી.
અરશદ વારસીએ કહ્યું, પ્રભાસ મને ઘણું દુખ છે કે તું કેમ ફિલ્મમાં જોકર જેવો લાગી રહ્યો હતો. હું તે મેડ મેક્સને જોવા માગું છું. હું મેલ ગિબસન જેવો જોવા માગું છું. તે એને શું બનાવી દીધું યાર. કેમ આવું કરે છે. મને સમજમાં નથી આવતું. અરશદ વારસીએ ઈન્ટરવ્યુમાં જણાવ્યું કે, આ મૂવીએ દર્શકોનું દિલ નથી જીત્યું. ફિલ્મમાં પ્રભાસના રોલને લઈને ઘણા લોકોએ ફરિયાદ કરી હતી કે તેનું કેરેક્ટર સારું નથી.
અરશદ વારસીએ થોડા સમય પહેલા રિલીઝ થયેલી રાજકુમાર રાવની ફિલ્મ શ્રીકાંત અને શરવરી વાઘની ફિલ્મ મુંઝ્યાને લઈને પોતાની પ્રતિક્રિયા આપી હતી. મુન્ના ભાઈ એમબીબીએસ ફેમ એક્ટરે કહ્યું, મેં શ્રીકાંત જોઈ અને મને તે ઘણી પસંદ આવી. મને લાગે છે કે રાજકુમાર રાવે જોરાદાર કામ કર્યું છે. મુંઝ્યા વિશે અરશદ વારસીએ કહ્યું, મેં તે ફિલ્મ વિશે ઘણી પોઝિટિવ વાત સાંભળી છે.