આજે ન્યુઝીલેન્ડના સાઉથ આઇલેન્ડ પર 6.3ની તીવ્રતાનો શક્તિશાળી ભૂકંપ આવ્યો છે. અધિકારીઓએ સુનામીની ચેતવણી જારી કરી છે. ભૂકંપનું કેન્દ્રબિંદુ તે અનાઉ શહેરથી લગભગ 40 કિલોમીટર ઉત્તરમાં નોંધાયું છે, જે લોકપ્રિય પર્યટન સ્થળ ફિઓર્ડલેન્ડનું પ્રવેશદ્વાર માનવામાં આવે છે.

ન્યુઝીલેન્ડની રાષ્ટ્રીય આપત્તિ વ્યવસ્થાપન એજન્સીએ લોકોને દરિયાકિનારા અને દરિયાકાંઠાના વિસ્તારોથી દૂર રહેવા વિનંતી કરી છે. જોકે, પ્રારંભિક માહિતી મુજબ કોઈ મોટું નુકસાન કે જાનહાનિ થઈ નથી.

યુએસ જીઓલોજિકલ સર્વે (યુએસજીએસ) અને જર્મનીના જીઓસાયન્સ રિસર્ચ સેન્ટર (જીએફઝેડ) એ ભૂકંપની તીવ્રતા 5.9 નોંધી છે. બંને એજન્સીઓ અનુસાર, ભૂકંપનું કેન્દ્ર 50 કિલોમીટરથી વધુ ઊંડાણમાં હતું.