હરિયાણાની તમામ 90 બેઠકો માટે એક જ તબક્કામાં મતદાન થશે. આવતીકાલે એટલે કે 5 ઓક્ટોબરે મતદાન થશે અને 8 ઓક્ટોબરે મતગણતરી થશે. હરિયાણા વિધાનસભા ચૂંટણીમાં સિંગલ ફેઝ વોટિંગ માટેનો પ્રચાર ગઈકાલે સાંજે સમાપ્ત થયો. હવે આવતીકાલે જનતા તેમના ભાવિનો નિર્ણય કરશે.
આવતીકાલે સવારે 7 થી સાંજે 6 વાગ્યા સુધી મતદાન થવાનું છે. તમામ 90 વિધાનસભા મતવિસ્તારોમાં કુલ 1,031 ઉમેદવારો ચૂંટણી લડી રહ્યા છે અને મતદાન માટે 20,632 મતદાન મથકો ઉભા કરવામાં આવ્યા છે. હરિયાણાના મુખ્ય ચૂંટણી અધિકારી પંકજ અગ્રવાલે જણાવ્યું હતું કે 15મી હરિયાણા વિધાનસભા સામાન્ય ચૂંટણીમાં રાજ્યના 2.03 કરોડથી વધુ મતદારો તેમના મતાધિકારનો ઉપયોગ કરી શકશે.
હરિયાણામાં મુખ્ય પક્ષોમાં ભાજપ, કોંગ્રેસ, આમ આદમી પાર્ટી તેમજ ભારતીય રાષ્ટ્રીય લોકદળ-બહુજન સમાજ પાર્ટી અને જનનાયક જનતા પાર્ટી, આઝાદ સમાજ પાર્ટી સામેલ છે.
હરિયાણાના મુખ્ય ચૂંટણી અધિકારી પંકજ અગ્રવાલે વધુમાં માહિતી આપી હતી કે 2,03,54,350 મતદારોમાંથી 1.07 કરોડથી વધુ પુરૂષ મતદારો છે, જ્યારે 95 લાખથી વધુ મતદારો મહિલાઓ છે અને 467 ત્રીજા લિંગના છે. કુલ 5,24,514 યુવા મતદારો છે, જેની ઉંમર 18 થી 19 વર્ષની વચ્ચે છે, જ્યારે કુલ 1,49,142 વિકલાંગ મતદારો છે, જેમાંથી 93,545 પુરૂષ, 55,591 મહિલા અને છ ત્રીજા લિંગના છે. તેમણે વધુમાં જણાવ્યું હતું કે 85 વર્ષથી વધુ વયના 2,31,093 મતદારો છે, જેમાંથી 89,940 પુરૂષ અને 1,41,153 મહિલાઓ છે. વધુમાં, 100 વર્ષથી વધુ ઉંમરના 8,821 મતદારો છે, જેમાં 3,283 પુરૂષો અને 5,538 મહિલાઓનો સમાવેશ થાય છે. સર્વિસ વોટર્સ કુલ સંખ્યા 1,09,217 છે, જેમાંથી 1,04,426 પુરૂષો અને 4,791 મહિલાઓ છે.
100 વર્ષથી વધુ ઉંમરના 8,821 મતદારો છે, જેમાં 3,283 પુરૂષો અને 5,538 મહિલાઓનો સમાવેશ થાય છે. સર્વિસ વોટર્સની કુલ સંખ્યા 1,09,217 છે, જેમાંથી 1,04,426 પુરૂષો અને 4,791 મહિલાઓ છે. મુખ્ય ચૂંટણી અધિકારીએ વધુમાં જણાવ્યું હતું કે કુલ 1,031 ઉમેદવારો ચૂંટણી લડી રહ્યા છે, જેમાં 930 પુરૂષો અને 101 મહિલાઓનો સમાવેશ થાય છે. આ ઉમેદવારોમાં 464 અપક્ષ ઉમેદવારો છે. 8 ઓક્ટોબરે મતગણતરી હાથ ધરાશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજંકશન, ગાયકવાડી, સિંધી કોલોની, પરસાણામાં ડિમોલિશન
October 05, 2024 03:51 PMમુંબઈમાં અજિત પવાર જૂથના નેતાની ધારદાર હથિયારથી હુમલો કરી હત્યા
October 05, 2024 03:47 PMલેબનોન હુમલાથી ડર્યું યુએઈ: પેજર અને વોકી-ટોકી કરાઈ રહ્યા છે જપ્ત
October 05, 2024 03:45 PMભારત એક મોટી શક્તિ છે વિશ્વમાં કોઈપણ તણાવને ઘટાડવામાં મહત્વપૂર્ણ ભૂમિકા ભજવી શકે: ઈરાન
October 05, 2024 03:42 PMહું તો હથિયારો છોડી ગાંધીવાદી જ બની ગયો છું: યાસીન મલિક
October 05, 2024 03:37 PMCopyright © 2023-2024 Aajkaal Daily
Developed by Rhythm Infotech