જામનગર શહેરમાં મોડી રાત્રીના કેટલાક આવારા તત્વો બિનજરુરી આંટાફેરા અને ધુમ સ્ટાઇલથી બાઇક હંકારતા હોવાની ફરીયાદો ઉઠવા પામતા આ દિશામા: રાત્રી ઝુંબેશ હાથ ધરવામાં આવી છે જે અનુસંધાને શહેરના દરબારગઢ નાકા બહાર આવેલી પાંચ હાટડી વિસ્તાર, નુરી ચોકડી, હવાઇ ચોક વિસ્તાર તથા એસ.ટી.ડેપો રોડ વિસ્તારોમાં મોડી રાત્રે સિટી-એ. ડિવિઝન પોલીસ સ્ટેશનના પી.આઇ. નિકુંજસિંહ ચાવડા, તથા દરબારગઢ પોલીસ ચોંકીના પી.એસ.આઇ. વસંતભાઈ ગામેતી સહિત સ્ટાફ દ્વારા ગાડીઓ ના કાગળ, નંબર પ્લેટ, લાયસન્સ જેવા દસ્તાવેજો ચેક કરવામાં આવ્યા હતા. તેમજ જે ગાડીઓમાં પૂરતા દસ્તાવેજો કે નંબર પ્લેટ વગરની ગાડીઓ હોય તે ગાડીઓને સીઝ કરવામાં આવી હતી.