એસપીએ ભાજપ કાર્યાલય કેમ ચાલે છે તેની તપાસ કરવા અંગે પૂર્વ સાંસદ નારણ કાછડિયાએ કહ્યું કે, 'ભાજપ કાર્યાલય ભાજપના કાર્યકરોના બળે ચાલે છે. પોલીસની જેમ દારૂ અને રેતીના હપ્તાથી ચાલતી નથી.' આ ઉપરાંત તેમણે કહ્યું કે, પોલીસ દારૂ પીવે તેની પાસેથી પૈસા લો અને બુટલેગરો પાસેથી પણ પૈસા લો છો આ બુધી બંધ કરવો.'

ઉલ્લેખનીય છે કે, જિલ્લા- તાલુકા પંચાયતના સભ્યો અને લીલીયા તાલુકાના નેતાઓએ પોલીસ સામે મોરચો માંડ્યો છે અને અમરેલીમાં દારૂના ખુલ્લેઆમ અડ્ડા ચાલતા હોવાનો આરોપ લગાવવામાં આવ્યો છે. જિલ્લા પોલીસ વડા ઉદ્ધતાઈપૂર્વક વર્તન કરતા હોવાનો ભાજપના નેતા વિપુલ દૂધાતે આરોપ લગાવ્યો છે. આ ઉપરાંત લીલીયા વેપારી મંડળ, ડાયમંડ એસો.ના પ્રમુખે બેફામ અડ્ડા ધમધમતા હોવાનો આરોપ લગાવ્યો છે.