મહાનગર પાલિકાના એસ્ટેટ વિભાગ અને દબાણ હટાવ સેલ દ્વારા ગઈકાલે સવારે ઘોઘાગેટ, મુખ્ય બજાર તેમજ આંબાચોક સહિત આજુબાજુના વિસ્તારોમાંથી નાના-મોટા અસ્થાઈ દબાણો હટાવી માલ-સામાન જપ્ત કરવામાં આવ્યા બાદ સૌથી ગીચ અને ટ્રાફિકથી સતત ભરચક રહેતા પીરછલ્લા વિસ્તારમાં ટીમ ત્રાટકી હતી. જેમાં રોડ પર અડચણરૂપ નાના-મોટા અસ્થાઈ દબાણો જેમાં વેપારીઓ દ્વારા જાહેર રોડ પર રાખવામાં આવેલી વસ્તુઓ, કાઉન્ટર, ટેબલ તેમજ અન્ય વસ્તુઓ જપ્ત કરવાની કાર્યવાહી હાથ ધરવામાં આવી હતી. મહાપાલિકા દ્વારા દિવાળીન તહેવારો સંદર્ભે લોકો મોટી સંખ્યામાં નીકળતા હોય લોકોને કોઈ સમસ્યા ન નડે અને ટ્રાફિક નિયમન જળવાય રહે તે માટે બજાર વિસ્તારન દબાણ હટાવ ઝુંબેશ હાથ ધરવામાં આવી છે. જેનો દબાણકર્તાઓ તેમજ વેપારીઓ દ્વારા વિરોધ કરી તહેવારોના દિવસોમાં દબાણ હટાવ કાર્યવાહી ન કરવા માંગ કરાઈ રહી છે.