કોલેજમાં અભ્યાસ કરતા અંતિમ વર્ષના વિધાર્થીઓ માટે ગુજરાત સરકારના શિક્ષણ વિભાગ દ્રારા પ્લેસમેન્ટ કેમ્પનું આયોજન કરવામાં આવેલ હોવાની જાહેરાત ગુજરાત યુનિવર્સિટીના પૂર્વકુલપતિ અને નોલેજ કોનસોરટીયમ ઓફ ગુજરાત (કેસીજી)ના એડવાઈઝર પ્રોફેસર એ. યુ. પટેલે કરી છે.ગુજરાતમાં અલગ અલગ ૨૮ જગ્યાએ આ પ્રકારના કેમપ યોજવામાં આવશે અને તેમાં સરકારી –ગ્રાન્ટેડ કોલેજના ૪૦૦ થી વધારે કોલેજોમાં અભ્યાસ કરતા ૮૪૪૮૨ વિધાર્થીઓનું રજીસ્ટ્રેશન થયું છે. પ્લેસમેન્ટ કેમ્પમાં વિવિધ સેકટર જેવા કે બેન્કિંગ ફાઇનાન્સ કેમિકલ ફાર્મસી ઇન્સ્યોરન્સ મિકેનિકલ મેન્યુફેકચરિંગ સર્વિસ સેકટર સહિત ૧૯૪૧ કંપનીઓએ ભરતીમાં રસ દાખવ્યો છે અને આવી કંપનીઓમાં ૪૯૬૧૯ જગ્યાઓ ખાલી છે.

અમદાવાદ ઉત્તર ગુજરાત મધ્ય ગુજરાત દક્ષિણ ગુજરાતસૌરાષ્ટ્ર્ર અને કચ્છ એમ અલગ–અલગ છ ઝોનમાં ભરતી મેળા યોજવામાં આવશે. જેમાં સૌરાષ્ટ્ર્રની વાત કરીએ તો રાજકોટ અને મોરબી જિલ્લાનો સંયુકત પ્લેસમેન્ટ કેમ્પ તારીખ ૧૩ માર્ચથી ૧૪ માર્ચ સુધી બે દિવસ માટે એવીપીટીઆઈમાં યોજવામાં આવશે. ભાવનગર અને બોટાદ જિલ્લાનો સંયુકત કેમપ ભાવનગર ખાતે જી.ઈ.સી માં તારીખ ૨ માર્ચના રોજ યોજવામાં આવશે. જામનગર અને દેવભૂમિ દ્રારકા જિલ્લાનો સંયુકત કેમપ તારીખ ૧૫ અને ૧૬ માર્ચના ના રોજ જામનગર ખાતે ડી.કેવી આર્ટસ એન્ડ સાયન્સ કોલેજમાં યોજાશે. સુરેન્દ્રનગરના વિધાર્થીઓ માટે તારીખ ૭ માર્ચના એમપી શાહ કોલેજમાં આયોજન કરાયું છે. પોરબંદરની સરકારી પોલીટેકનિક કોલેજમાં તારીખ ૧૯ માર્ચે, જૂનાગઢની અને ગીર સોમનાથની કોલેજના વિધાર્થીઓ માટે તારીખ ૧૪ માર્ચે જૂનાગઢની બાઉદીન કોલેજમાં આવા કેમ્પ યોજાશે અમરેલીની જે એન મહેતા ગવર્મેન્ટ પોલિટેકનિક કોલેજમાં તારીખ ૨૮ ફેબ્રુઆરીએ કેમ્પ યોજાશે. યારે કચ્છમાં આવો કેમપ ૬ માર્ચે ભુજની આર આર લાલન કોલેજમાં યોજાશે.