તળાજા તાલુકાના દિહોર ગામ નજીક વરલ રોડ પર મામસી ગામના સીમાડે સિંગલ પટ્ટી રોડ પર અલંગ તરફ જતા પીકઅપ વાહનને અકસ્માત નડતા પલટી મારી ગયું હતું.  રોડ ઉપર આવેલી કડને કારણે અકસ્માત સર્જાયો હતો. દિહોર થી વરલ સુધીનો રોડ વર્ષોથી સિંગલ પટ્ટી છે આ રોડ ઉપર પુષ્કળ ટ્રાફિક હોવા છતાં રોડને ડબલ પટ્ટી કરવામાં તંત્રની આળસ ઊડીને આંખે વળગે છે ડબલ પટ્ટી તો ઠીક આ રસ્તો હવે સિંગલ પટ્ટી જેવો પણ રહ્યો નથી એમાં પણ રોડની બંને સાઈડ ઊંડી કડ અને ખાઈને કારણે ઘણી વખત અકસ્માત સર્જાય છે. આ રીતે મેટાડોરને અકસ્માત નડતા સદનસીબે કોઈ જાનહાની થઈ નથી પરંતુ ભવિષ્યમાં કોઈ મોટો અકસ્માત થાય એ પહેલા આ રોડને નવો બનાવવાની ખાસ જરૂરીયાત ઉભી થઈ છે.