પોરબંદરમાં કરોડો રૂપિયાના ખર્ચે બસ ડેપોની સુવિધા ઉપલબ્ધ કરાવાયા બાદ મુસાફરોને તેના પટાંગણમાં અંધારાનો સામનો કરવો પડે નહી તે માટે અદ્યતન સ્ટ્રીટ લાઇટો ફીટ કરવામાં આવી હતી.આ  લાઈટ સોલાર પેનલ વાળી હતી.જેના કારણે સમગ્ર એસ.ટી. ડેપોનું કમ્પાઉન્ડ ઝળહળતું હતુ,પરંતુ છેલ્લા એક વર્ષ કરતા વધુ સમયથી આ સ્ટ્રીટલાઇટો બંધ થઈ ગઈ છે અને તેનું પુન:સમારકામ કરાવવામાં આવ્યુ નથી,જેના કારણે અહીંયા મુસાફરોને હવે અંધારાના કારણે પરેશાનીનો સામનો કરવો પડી રહ્યો છે.તો બીજી બાજુ તંત્રના જ લાખો રૂપિયા એમ જ વેડફાઈ ગયા હોય તેવું જણાઈ રહ્યું છે માટે પોરબંદરના એસ.ટી.તંત્રએ વહેલીતકે બંધ સ્ટ્રીટલાઇટો શરૂ કરીને મુસાફરોની મુશ્કેલીનો અંત લાવવો જ‚રી બન્યો છે.