શ્રીલંકાના હબરાના વિસ્તારમાં એક ભયાનક અકસ્માત થયો હતો જેમાં હબરાના વિસ્તારમાં એક પેસેન્જર ટ્રેન હાથીઓના ટોળા સાથે અથડાઈ હતી. ટ્રેનની ટક્કર એટલી ગંભીર હતી કે ૬ હાથીના ઘટનાસ્થળે જ મોત થયા, યારે ૨ અન્ય હાથી ગંભીર રીતે ઘાયલ થયા, જેમની સારવાર ચાલુ છે. આ ટ્રેન અકસ્માતને શ્રીલંકાના ટાપુ દેશમાં ટ્રેન અને હાથીઓના ટોળા વચ્ચેની અથડામણની સૌથી ખરાબ ઘટનાઓમાંની એક માનવામાં આવે છે.
શ્રીલંકામાં ટ્રેનો અને હાથીઓ વચ્ચે આવા અથડામણ અને અકસ્માતો હવે સામાન્ય બની ગયા છે. વન્યજીવ સંરક્ષણ સંગઠનો અનુસાર, દર વર્ષે લગભગ ૨૦ હાથીઓ ટ્રેનની અડફેટે આવીને મૃત્યુ પામે છે. આ ઉપરાંત, ગયા વર્ષે માણસો અને હાથીઓ વચ્ચેના સંઘર્ષમાં ૧૭૦ થી વધુ લોકો અને લગભગ ૫૦૦ હાથીઓના મોત થયા હતા.
નિષ્ણાતો કહે છે કે સતત વનનાબૂદી અને કુદરતી સંસાધનોના અભાવને કારણે, જંગલી પ્રાણીઓ, ખાસ કરીને હાથીઓને માનવ વિસ્તારોમાં પ્રવેશવાની ફરજ પડી રહી છે. આ સમયગાળા દરમિયાન, તેઓ રેલ્વે ટ્રેક, ખેતરો અને ગામડાઓમાં આવે છે અને કોઈને કોઈ અકસ્માતનો ભોગ બને છે. હાથીઓ અને ટ્રેનો વચ્ચે અથડામણ એક સામાન્ય ઘટના બની ગઈ છે, પરંતુ તેઓ ઇલેકિટ્રક શોક, ઝેરી પદાર્થેા ખાવા અને ગેરકાયદેસર શિકારનો ભોગ પણ બને છે.શ્રીલંકા રેલ્વેનું કહેવું છે કે આ ટક્કરને કારણે ટ્રેન પાટા પરથી ઉતરી ગઈ છે, જેના કારણે લાઇન પર સેવાઓ ખોરવાઈ ગઈ છે.

હાથી કોરિડોરમાંથી પસાર થતી વખતે ટ્રેનની ગતિ ઓછી રાખવા ડ્રાઇવરોને અપીલ
વન્યજીવન નિષ્ણાતો અને સ્થાનિક વહીવટીતત્રં સતત ટ્રેન ડ્રાઇવરોને અપીલ કરી રહ્યા છે કે તેઓ જંગલ વિસ્તાર અને હાથી કોરિડોરમાંથી પસાર થતી વખતે ટ્રેનની ગતિ ઓછી કરે અને હાથીઓને હોર્ન વગાડીને ટ્રેનના આગમન વિશે ચેતવણી આપે. જોકે, નિષ્ણાતોનો આ વિચાર હજુ સુધી સંપૂર્ણપણે અસરકારક સાબિત થયો નથી અને આવા અકસ્માતો સતત બની રહ્યા છે.
પહેલા પણ ઘણા મોટા અકસ્માતો થયા છે
શ્રીલંકાના હબરાના વિસ્તારમાં બનેલો આ ભયાનક અકસ્માત આ પ્રકારનો પહેલો અકસ્માત નથી. ભૂતકાળમાં આવા ઘણા અકસ્માતો બન્યા છે, જેમાં હાથીઓએ પોતાનો જીવ ગુમાવ્યો છે. ૨૦૧૮ માં, આ જ હબરાના વિસ્તારમાં, એક ગર્ભવતી હાથણી અને તેના બે વાછરડા ટ્રેનની અડફેટે આવી જવાથી મૃત્યુ પામ્યા હતા. એ જ રીતે, ગયા વર્ષે ઓકટોબર મહિનામાં, ૨૦૨૪ માં, મિનેરિયા વિસ્તારમાં એક ટ્રેન હાથીઓના ટોળાને ટક્કર મારી હતી, આ ઘટનામાં ૨ હાથીઓ માર્યા ગયા હતા અને એક ઘાયલ થયો હતો.