એક સમયે પોરબંદરની શાન ગણાતો પેરેડાઇઝનો ફુવારો નગરપાલિકાના તંત્રની જાળવણીની ચીવટના અભાવે અત્યંત બિસ્માર બની ગયો છે અને તેની ફરતે આવેલી રેલિંગ તુટીફુટી ગઈ હોવાથી ગાય જેવા પશુઓ પણ અંદર આંટાફેરા કરતા અને ફુવારાને નુકસાન પહોંચાડતા જોવા મળે છે. છેલ્લા નવ મહિનાથી આ રેલિંગ તુટેલી-ફુટેલી હાલતમાં જોવા મળે છે,તેમ છતાં પોરબંદર નગરપાલિકાના તંત્રને તેનું સમારકામ કરાવવા માટેનો સમય નથી અથવા તો ગ્રાન્ટ નથી તેવું લોકો અનુભવી રહ્યા છે. તંત્ર એ વહેલીતકે આ ફુવારા ફરતે સમગ્ર રેલિંગનું સમારકામ કરાવવું જ‚રી બન્યું છે તેમ જ બિસ્માર બની ગયેલા ફુવારાનું પણ વ્યવસ્થિત રીતે સમારકામ કરાવવું જોઈએ.તેવી અહીંથી પસાર થતા લોકો પણ માંગણી કરી રહ્યા છે.તસ્વીર(તસ્વીર:જીજ્ઞેશ પોપટ)