વર અને કન્યા એ લગ્નના મુખ્ય પાત્ર છે. જો કે હિંદુ લગ્નમાં અન્ય મહત્વની વ્યક્તિ પંડિતજી છે.  જેમના વિના ધાર્મિક વિધિઓ પૂર્ણ થઈ શકતી નથી. જ્યારે દરેક પૂજારીની ધાર્મિક વિધિઓ અને મંત્રોના પાઠ કરવાની પોતાની શૈલી હોય છે. ત્યારે તાજેતરમાં સોશિયલ મીડિયા પર એક વીડિયો વાયરલ થયો છે. જેમાં પંડિતજીએ કંઈક નવું જ કામ કર્યું છે. પંડિતજીએ વર-કન્યાને કેમેરા સામે પોઝ આપતા શીખવ્યું.

ઇન્સ્ટાગ્રામ પર શેર કરવામાં આવેલ વિડિયોના કેપ્શનમાં લખ્યું છે "તે એક ટ્રેન્ડ બ્રેકર પંડિતજી છે જેની આપણને બધાને જરૂર છે." વાયરલ ક્લિપમાં  વર-કન્યા લગ્નના મંડપમાં ફોટા ક્લિક કરી રહ્યાં છે. ત્યારે વૃદ્ધ પંડિતજી ત્યાં પ્રવેશ કરે છે અને તે કન્યાને વરના હાથને ચુંબન કરવા અને પોઝ આપવાનું કહે છે. જેનાથી વર અને કન્યા બંને ખુશ થઈ જાય છે.

જૂની પેઢી ઘણીવાર પ્રેમની જાહેર અભિવ્યક્તિને નાપસંદ કરે છે. તે ધ્યાનમાં લેતા  લોકો પંડિતજીને આમ કરતા જોવાનું પસંદ કરતા હતા. ઘણાને લાગ્યું કે પંડિતજી આધુનિક વસ્તુઓ સાથે વધુ સુસંગત છે.

ઇન્સ્ટાગ્રામ પર પોસ્ટ કરવામાં આવ્યો ત્યારથી આ વિડિયોને 802K વ્યુઝ મળ્યા છે અને સંખ્યા સતત વધી રહી છે. સોશિયલ મીડિયા યુઝર્સે તેમની પ્રતિક્રિયાઓ કોમેન્ટ સેક્શનમાં આપી છે. એક યુઝરે લખ્યું, "હું આવા પંડિતને 50,000 દક્ષિણા આપીશ." અન્ય એકે કોમેન્ટ કરી ‘બધો શ્રેય પંડિતજીને જાય છે.’