ગ્લોબલ સેફ્ટી ઇન્ડેક્સ 2025એ વિશ્વના સૌથી સુરક્ષિત દેશોની નવી યાદી બહાર પાડી છે અને તેમાં કેટલાક આશ્ચર્યજનક આંકડા પ્રકાશમાં આવ્યા છે. પાકિસ્તાને ભારતને પાછળ છોડીને વધુ સારું રેન્કિંગ મેળવ્યું છે, જ્યારે અમેરિકા, યુકે અને ચીન જેવા મોટા દેશોનું રેન્કિંગ પ્રમાણમાં ઓછું છે.
નૂમ્બિયો દ્વારા જાહેર કરાયેલા ગ્લોબલ સેફ્ટી ઇન્ડેક્સ 2025માં પાકિસ્તાન 65માં ક્રમે છે, જ્યારે ભારત 66માં ક્રમે છે. આ બંને દેશો માટે એક મહત્વપૂર્ણ સંકેત છે કે પાકિસ્તાને હવે સુરક્ષાની દ્રષ્ટિએ ભારતને પાછળ છોડી દીધું છે. રસપ્રદ વાત એ છે કે, સુરક્ષા માટે ઘણીવાર ટોચના દેશોમાં સ્થાન મેળવનાર અમેરિકા આ યાદીમાં 89માં ક્રમે છે, જે દક્ષિણ એશિયાના બંને દેશો કરતા પણ નીચે છે.
આ યાદીમાં એન્ડોરાએ ૮૪.૭ પોઈન્ટ સાથે સૌથી સુરક્ષિત દેશ તરીકે પ્રથમ સ્થાન મેળવ્યું છે. આ પછી સંયુક્ત આરબ અમીરાત (84.5), કતાર (84.2), તાઇવાન (82.9) અને ઓમાન (81.7) આવે છે. આ દેશો તેમની મજબૂત સુરક્ષા વ્યવસ્થા, ઓછા ગુના દર અને સારા જીવનધોરણને કારણે આ રેન્કિંગમાં ટોચ પર છે.
નૂમ્બિયો દ્વારા બહાર પાડવામાં આવેલ આ રેન્કિંગ વિવિધ દેશોના નાગરિકો દ્વારા કરવામાં આવેલા સુરક્ષા સર્વેક્ષણ પર આધારિત છે. આમાં જોવામાં આવ્યું કે લોકો દિવસ અને રાત દરમિયાન તેમની સલામતી અંગે કેટલા સંતુષ્ટ છે. આ ઉપરાંત, ચોરી, શારીરિક હુમલો, પજવણી, ભેદભાવ અને અન્ય હિંસક ગુનાઓના દરનો પણ સમાવેશ થાય છે. આ યાદી જણાવે છે કે, વિશ્વભરમાં સુરક્ષાની ભાવના હંમેશા સરકાર દ્વારા રજૂ કરાયેલા આંકડા અને માહિતી કરતાં વ્યક્તિગત અનુભવો અને લાગણીઓ પર વધુ આધારિત હોય છે.
ભારત અને પાકિસ્તાનના રેન્કિંગમાં ફક્ત એક પોઇન્ટનો તફાવત છે, પરંતુ આ બંને દેશો માટે ચિંતાનો વિષય બની શકે છે. ભારતે તેની સુરક્ષા વ્યવસ્થા સુધારવા માટે પગલાં ભરવા પડશે. જેથી ભવિષ્યમાં તે આ રેન્કિંગમાં વધુ સારું સ્થાન મેળવી શકે. જો તમે પણ વિશ્વના સૌથી સુરક્ષિત દેશોમાં મુસાફરી કરવાનું અથવા રહેવાનું વિચારી રહ્યા છો, તો આ યાદી ધ્યાનમાં રાખો. ઉપરાંત, આપણા દેશની સુરક્ષા પ્રત્યે જાગૃત રહેવું અને તેને સુધારવા માટે પગલાં લેવા ખૂબ જ મહત્વપૂર્ણ છે.
ગ્લોબલ સેફ્ટી ઇન્ડેક્સનું આ નવું રેન્કિંગ આપણને બતાવે છે કે સુરક્ષા ફક્ત સરકાર અથવા કાયદો અને વ્યવસ્થા સાથે જોડાયેલી નથી, પરંતુ સામાન્ય લોકોના અનુભવો અને ધારણાઓ સાથે પણ જોડાયેલી છે. પાકિસ્તાનનું ભારતથી આગળ નીકળી જવું, અમેરિકાનું નીચે આવવું અને નાના દેશોનું ટોચ પર હોવું એ સૂચવે છે કે આપણે આપણી સુરક્ષા વ્યવસ્થા સુધારવા માટે વધુ કામ કરવાની જરૂર છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On ApplicationVideo: પહલગામ આતંકવાદી હુમલાના ભોગ બનેલા લોકોના પાર્થિવ દેહ અમદાવાદ એરપોર્ટ પર પહોંચ્યા
April 23, 2025 10:23 PMરાજકોટ SOGની મોટી કાર્યવાહી, 12.89 લાખનું MD ડ્રગ્સ સાથે રાણાવાવનો મુસ્તાક ઝડપાયો
April 23, 2025 09:11 PMગુજરાત મહેસુલ પંચમાં IAS કમલ શાહની નિવૃત્તિ બાદ નિમણૂક, 3 વર્ષનો કાર્યકાળ
April 23, 2025 08:53 PMCopyright © 2023-2024 Aajkaal Daily
Developed by Rhythm Infotech