ભારતની દરિયાઈ સુરક્ષામાં વધારો થવા જઈ રહ્યો છે. અમેરિકાએ ભારતને યુદ્ધ વિરોધી સોનોબોય સબમરીન અને સંબંધિત સાધનોના સંભવિત વિદેશી સૈન્ય વેચાણ માટેના સોદાને અંતિમ સ્વરૂપ આપ્યું છે. આ કરારની અંદાજિત કિંમત $52.8 મિલિયન હશે. જાણો ભારતીય નૌકાદળને શા માટે સોનોબોયની જરૂર હતી.

સોનોબોયએ પોર્ટેબલ સોનાર સિસ્ટમ છે. સોનાર સિસ્ટમ દ્વારા ધ્વનિ તરંગો પાણીમાં છોડવામાં આવે છે. જેથી સબમરીન, જહાજ કે અન્ય કોઈ વસ્તુ તેની સાથે અથડાય તો તેનો પડઘો પડે છે.

ત્રણ મુખ્ય પ્રકારના સોનોબોય હોય છે. સક્રિય, નિષ્ક્રિય અને વિશેષ હેતુવાળા સોનોબોય છે. સોનોબોય  દ્વારા ભારતીય નૌકાદળ સમુદ્રમાં પાકિસ્તાન અને ચીનની નાપાક ગતિવિધિઓનો જડબાતોડ જવાબ આપવા માટે વધુ સક્ષમ બનશે.

ભારતમાં MS-60R  હેલિકોપ્ટરની પ્રથમ સ્ક્વોડ્રન તૈયાર

એકોસ્ટિક સેન્સર (એન્ટી સબમરીન વોરફેર સોનોબોય) સાથે સોનોબોયથી સજ્જ થયા પછી, ભારતીય નૌકાદળ સમુદ્રની અંદર દુશ્મન સબમરીનના નાનામાં નાની ગતિવિધિને સાંભળી શકશે. યુએસ મૂળના MH-60R હેલિકોપ્ટર સબમરીન વિરોધી યુદ્ધ કામગીરી હાથ ધરવાની ક્ષમતા વધારીને જોખમોનો સામનો કરવાની ભારતની ક્ષમતામાં વધારો કરશે.

સાથે જ યુદ્ધ દરમિયાન દુશ્મનની સબમરીનને નષ્ટ કરવામાં સરળતા રહેશે. ભારતે MS-60R હેલિકોપ્ટરની તેની પ્રથમ સ્ક્વોડ્રન ઉભી કરી છે. આમાં છ હેલિકોપ્ટરનો સમાવેશ થાય છે. જે અમેરિકાથી સપ્લાય કરવામાં આવ્યા છે.