સૌરાષ્ટ્રના પ્રવાસે આવી રહેલા દેશના વડાપ્રધાન નરેન્દ્રભાઈ મોદી પરત ફરતી વેળાએ રાજકોટના હીરાસર ઇન્ટરનેશનલ એરપોર્ટ ખાતે ૧૫ મિનિટનું ટૂંકું રોકાણ કરનાર હોય આ વડાએ તેઓ રાજકોટ શહેર અને જિલ્લા ભાજપ સહિત સૌરાષ્ટ્ર નેતાઓ સાથે મુલાકાત કરશે.

વડાપ્રધાન હીરાસર એરપોર્ટ ખાતે ૧૫ મિનિટનું રોકાણ કરનાર હોય આ માટે જિલ્લા કલેકટર તંત્ર દ્વારા તડામાર તૈયારીઓ હાથ ધરાઇ છે જેમાં જિલ્લા કલેકટર પ્રભવ જોષીએ હીરાસર એરપોર્ટની સાઈટ વિઝીટ કરી હતી તેમજ એડીશનલ કલેકટર, પ્રાંત, ત્રણ ડેપ્યુટી કલેકટર, મામલતદાર સહિતના અડધો ડઝન અધિકારીઓને આ અંગેની ફરજ ઉપર નિયુક્ત કર્યા હોવાનું જાણવા મળે છે.