પ્રધાનમંત્રી નરેન્દ્ર મોદી મંગળવારે દિલ્હીમાં નેશનલ ડેમોક્રેટિક એલાયન્સ (NDA)ની એક મહત્વપૂર્ણ બેઠકને સંબોધિત કરી રહ્યા છે. આ દરમિયાન તેમણે NDAના 25 વર્ષની આ યાત્રાનો વિકાસ અહેવાલ રજૂ કર્યો હતો. પીએમ મોદીએ કહ્યું કે એનડીએની 25 વર્ષની આ યાત્રા સાથે એક અન્ય સંયોગ જોડાયેલો છે. આ તે સમય છે જ્યારે આપણો દેશ આગામી 25 વર્ષમાં એક મોટું લક્ષ્ય હાંસલ કરવા માટે પગલાં લઈ રહ્યો છે. આ દરમિયાન પીએમ મોદીએ વિપક્ષની એકતા પર પણ નિશાન સાધ્યું હતુ.

પીએમ મોદીએ કહ્યું કે વિપક્ષ આપણને અપમાનિત કરવાનો પ્રયાસ કરી રહ્યો છે. પરંતુ 140 કરોડ દેશવાસીઓ બધું જોઈ રહ્યા છે. તેઓ જાણે છે કે આ સ્વાર્થી વિરોધ શા માટે એકત્ર થઈ રહ્યા છે.