Aajkaalteam

PM નરેન્દ્ર મોદીએ દિલ્હી - મુંબઈ એક્સપ્રેસ વેના પ્રથમ તબક્કાનું આજે ઉદ્ધાટન કર્યુ હતુ. જેમાં તેમણે દિલ્હી-દૌસા-લાલસોટ સેક્શનનું ઉદ્ધાટન કર્યુ હતુ. ઉલ્લેખનીય છે કે આ એક્સપ્રેસ વે ૧૩૮૬ કિલોમીટરનો છે. મહત્વનું છે કે, હવે દિલ્હીથી રાજસ્થાનના જયપુર સુધી પહોચવા માટે માત્ર ત્રણ કલાકનો જ સમય લાગશે. અને આપણે દિલ્હીથી મુંબઈના અંતરની વાત કરીએ તો પહેલા ૨૪ કલાક થતુ હતુ જે હવે ઘટીને ૧૨ કલાક થઈ જશે.

PM Modi inaugurates the Delhi-Dausa-Lalsot section of the Delhi-Mumbai Expressway and lays foundation stone road projects worth more than Rs. 18,100 crores in Dausa, Rajasthan pic.twitter.com/580iAKf0fd

— ANI (@ANI) February 12, 2023

આજે ઉદ્ધાટન કરવામાં આવેલા એક્સપ્રેસ વેની જો વાત કરીએ તો દેશના છ રાજ્યમાંથી આ રસ્તો પસાર થશે. અને આ છ રાજ્યોમાં લોકસભાની સીટની વાત કરીએ તો ૧૪૫ લોકસભાની બેઠકોનો સમાવેશ થાય છે. આ લોકસભાની સીટમાં દિલ્હીમાં ૭, હરિયાણમાં ૧૦, રાજસ્થાનમાં ૨૫, મધ્યપ્રદેશમાં ૨૯, ગુજરાતમાં ૨૬, મહારાષ્ટ્રમાં ૪૮ મળી કુલ બેઠક ૧૪૫ છે. આમ રાજ્યોમાં આગામી દિવસોમાં આવતી ચૂંટણીમાં આ એક્સપ્રેસ વેનો ફાયદો ઉઠાવવાનો ભાજપ અને પ્રધાનમંત્રી નરેન્દ્ર મોદી પ્રયાસ કરશે. અને જો તેમાં સફળ થશે તો ભાજપને મોટો ફાયદો થઈ શકે છે.