શહેરના ચિત્રકુટધામ સોસાયટી પાસે ચિત્રકુટ એપાર્ટમેન્ટના ફલેટમાં જુગાર રમતા છ શખસોને પીસીબીએ ઝડપી લઇ તેમની પાસેથી રોકડ રૂ. 52,900 કબજે કરી કાયદેસરની કાર્યવાહી કરી હતી.જયારે બી ડિવિઝન પોલીસે બે દરોડામાં સાત શખસોને ઝડપી લીધા હતાં.
જુગારના આ દરોડાઓની જાણવા મળતી વિગતો મુજબ, પીસીબીના ઇન્ચાર્જ પીઆઇ એમ.આર. ગોંડલીયાની રાહબરી હેઠળ ટીમ પેટ્રોલિંગમાં હતી. દરમિયાન હેડ કોન્સ્ટેબલ કિરતસિંહ, રાહુલગીરી અને કોન્સ્ટેબલ યુવરાજસિંહને મળેલી બાતમીના આધારે યુનિવર્સિટી રોડ પર શ્રી ચિત્રકૂટધામ સોસાયટી શેરી નંબર-1 માં આવેલા શ્રી ચિત્રકૂટ એપાર્ટમેન્ટ એ વીંગ ફલેટ નંબર 203 માં જુગાર રમતા છ શખસોને ઝડપી લીધા હતા. પોલીસે પટમાંથી રોકડ રૂપિયા 52,900 કબજે કયર્િ હતા.
જુગાર રમતા ઝડપાયેલા શખસોમાં ફ્લેટધારક વિનોદ તુલસીભાઈ રાઠોડ(ઉ.વ 64) તથા ગિરીશપરી ગોરધનપરી ગોસ્વામી(ઉ.વ 44 રહે. રિદ્ધિસિદ્ધિ સોસાયટી શેરી નંબર 2, ગોંડલ ચોકડી પાસે), સાગર વિજયભાઈ સોનછત્રા(ઉ.વ 26 રહે. કેવડાવાડી મેઇન રોડ, રાજકોટ) અશ્વિન ઉર્ફે આર્યન મગનભાઈ મકવાણા(ઉ.વ 35 રહે. વિજય પ્લોટ શેરી નંબર 25), મુકેશ લક્ષ્મીદાસ કોટક(ઉ.વ 62 રહે. સોની બજાર દરબારગઢ ચોક), હનીફ અશરફભાઈ હાલાણી(ઉ.વ 40 રહે. જિલ્લા ગાર્ડન ચોક પાસે ઘાંચીવાડ શેરી નંબર 5) નો સમાવેશ થાય છે.
જુગારના અન્ય દરોડામાં બી ડિવિઝન પોલીસ મથકના પીઆઇ એસ.એસ. રાણેના માર્ગદર્શન હેઠળ ટીમ પેટ્રોલિંગમાં હતી દરમિયાન કોન્સ્ટેબલ રાજદીપભાઈ પટગીર અને પંકજભાઈ માળીને મળેલી બાતમીના આધારે પેડક રોડ પર ઠાકરધણી ચાની હોટલ પાસે જાહેરમાં વર્લી ફિચરના આંકડા લઇ જુગાર રમતા ચાર શખસોને ઝડપી લીધા હતા. જેમાં જુસબ જુમાભાઈ લંઘા(ઉ.વ 68 રહે. પેડકરોડ આર્યનગર), દિલીપ કનૈયાલાલ વેકરીયા(ઉ.વ 64 રહે. સિદ્ધિવિનાયક પાર્ક 1), ચંદ્રકાંત હીરાલાલ સતવાણી (ઉ.વ 58 રહે. પેડક રોડ રંગાણી હોસ્પિટલ પાસે), મનસુખ વિઠ્ઠલભાઈ ગોહેલ(ઉ.વ 69 રહે. માર્કેટિંગ યાર્ડ સામે ગુજરાત હાઉસિંગ બોર્ડ શેરી નંબર 16) નો સમાવેશ થાય છે. પોલીસે આરોપીઓ પાસેથી રોકડ રૂપિયા 12,580, બે મોબાઈલ ફોન સહિત રૂપિયા 15,580 નો મુદ્દામાલ કબજે કરી જરૂરી કાર્યવાહી કરી હતી. આ સિવાય બી ડિવિઝન પોલીસે અન્ય દરોડામાં હેડ કોન્સ્ટેબલ કૃપાલસિંહ જાડેજા અને કોન્સ્ટેબલ હાર્દિક ગાજીપરાની બાતમીના આધારે સંત કબીર રોડ પર ગાયત્રી મેન્શન પાછળ શક્તિ સોસાયટી શેરી નંબર 2 નંદુબાગ પાસે જાહેરમાં જુગાર રમતા ત્રણ શખ્સોને ઝડપી લીધા હતા. જેમાં ભરત મંગળદાસ પોપટ(ઉ.વ 63 રહે. સંત કબીર રોડ), દિલીપ ભુપતભાઈ કોટક (ઉ.વ 56 રહે. મોરબી) અને મહેશ ગગજીભાઈ ડોડીયા (ઉ.વ 52 રહે. કુવાડવા રોડ)નો સમાવેશ થાય છે. પોલીસે પટમાંથી રોકડ રૂપિયા 10,400 કબજે કરી જરૂરી કાર્યવાહી કરી હતી.