પીસીબીની ટીમે રાજકોટ-અમદાવાદ હાઇવે પર બામણબોર ચેક પોસ્ટ નજીકથી રિક્ષામાં 32 બોટલ દારૂ સાથે બે શખસોને ઝડપી લઇ રૂ. 98,400 નો મુદામાલ કબજે કર્યો હતો.જયાર કોઠારિયા સોલવન્ટ કવાર્ટરમાંથી 75 લીટર દેશી દારૂ સાથે મહિલાને ઝડપી લીધી હતી.
પીસીબીના ઇન્ચાર્જ પીઆઇ એમ.આર. ગોંડલીયાની રાહબરી હેઠળ પીએસઆઇ એમ.જે.હુણ તથા તેમની ટીમ પેટ્રોલિંગમાં હતી દરમિયાન એએસઆઇ મયુરભાઈ અને કોન્સ્ટેબલ નગીનભાઈને મળેલી બાતમીના આધારે રાજકોટ અમદાવાદ નેશનલ હાઈવે પર બામણબોર ચેકપોસ્ટ પાસેથી હડકાઈ માના મંદિર નજીક એક શંકાસ્પદ રીક્ષાને પોલીસે અટકાવી હતી. પોલીસે આ રીક્ષાની તલાસી લેતા તેમાંથી રૂપિયા 58,400 ની કિંમતનો 32 બોટલ દારૂનો જથ્થો મળી આવ્યો હતો. પોલીસે દારૂના આ જથ્થા સાથે જેનીશ રાયધનભાઈ ચૌહાણ (ઉ.વ 25 રહે. ચુનારાવાડ શેરી નંબર 2/3 નો ખુણો) અને રાહુલ દેવજીભાઈ ચાવડા(ઉ.વ 22 રહે. રામનાથપરા મેઇન રોડ)ને ઝડપી લીધા હતા. પોલીસે દારૂનો આ જથ્થો અને રીક્ષા સહિત કુલ રૂપિયા 98,400 મુદ્દામાલ કબજે કરી કાયદેસરની કાર્યવાહી કરી હતી.
દારૂના અન્ય દરોડામાં પીસીબી ટીમના એએસઆઈ મહિપાલસિંહ, હેડ કોન્સ્ટેબલ ઘનશ્યામસિંહને મળેલી બાતમીના આધારે કોઠારીયા હાઉસિંગ બોર્ડ ક્વાર્ટર નંબર 1031 માંથી રૂ.15000 ની કિંમતનો 75 લિટર દેશી દારૂ સાથે સલમાબેન હનીફભાઈ જુણેજા નામની મહિલાને ઝડપી લીધી હતી.