ભાવનગર લોકલ ક્રાઇમ બ્રાન્ચની ટીમે આડોડિયાવાસ વિસ્તારમાંથી વિદેશી દારૂનો જથ્થો ભરેલી રીક્ષા સાથે એક શખ્સને ઝડપી લીધો હતો. પોલીસે રેડ દરમિયાન ઇંગ્લીશ દારૂની અલગ-અલગ બ્રાન્ડની નાની-મોટી બોટલ નંગ-૭૮૦ કિ.રૂ.૧,૪૨,૮૦૦ સહિત કુલ રૂ.૧,૯૨,૮૦૦ ના મુદ્દામાલ કબજે કરી કાર્યવાહી હાથ ધરી હતી.

ભાવનગર લોકલ ક્રાઇમ બ્રાન્ચ કચેરી ખાતેથી મળતી માહિતી અનુસાર એલ.સી.બી. પોલીસ સ્ટાફ ભાવનગર શહેરી વિસ્તારમાં નાઈટ રાઉન્ડ પેટ્રોલીંગમાં હતાં. તે દરમ્યાન ભાવનગર, દિપકચોક પાસે આવતા બાતમીરાહે હકીકત મળેલ કે, નિતેશ ક્રિપાલભાઈ (રહે.આડોડીયાવાસ)ને તેના કબ્જા-ભોગવટાની લીલા-પિળા કલરની સી.એન.જી રીક્ષા રજી.નંબર-GJ-27-V-5509 માં બહારથી ઇંગ્લીશ દારૂનો જથ્થો ભરીને આડોડીયાવાસમાં ખાલી કરવા જવાનો છે. જે મળેલ માહિતી આધારે રેઈડ કરતા નિતેશને ૭૫૦ ML ની બોટલ નંગ.૨૪ની કિં.રૂ.૨૦૪૦૦, ૭૫૦ ML ની બોટલ નંગ-૭૨ની કિં.રૂ.૨૧૬૦૦, ૧૮૦ ML ની બોટલ નંગ-૫૭૬ કિં.રૂ.૫૭૬૦૦, ૭૫૦ MLની બોટલ નંગ-૧૦૮ કિં.રૂ.૪૩૨૦૦ તેમજ રીક્ષા રજી.નંબર- GJ-27-V-5509 કિં.રૂ.૫૦૦૦૦ મળી કુલ કિં.રૂ.૧,૯૨,૮૦૦/-નો મુદ્દામાલ કબજે કરી શખ્સ વિરુદ્ધ પ્રોહીબીશન કલમ હેઠળ ગુનો દાખલ કરી ઘોઘારોડ પોલીસ મથક ખાતે સોંપી આપી ધોરણસરની કાર્યવાહી હાથ ધરી હતી.