કારએ બાઇકને ઠોકર મારતા રાજ પાઉંભાજી વાળા રમેશભાઈ બુલવાણીનું મોત

  • April 01, 2025 03:04 PM 
Aajkaal Daily (Desh Pardesh Ni Aajkaal)

કાલાવડ રોડ પર આવેલી સરાજા હોટેલ પાસે બાઇકનો યુ-ટર્ન લેતી વખતે પુરપાટ ઝડપે આવતી કારએ બાઈકને ઠોકરે લેતા સોરઠીયા વાડી સર્કલ પાસે રાજ પાઉંભાજીનું દુકાન ધરાવતા આધેડનું ગંભીર ઇજા થવાથી સારવાર માટે વોકહાર્ટ હોસ્પિટલમાં ખસેડવામાં આવ્યાં હતાં પરંતુ સારવાર કારગત ન નીવડતા દમ તોડી દીધો હતો. બનાવના પગલે પરિવારમાં કલ્પાંત સર્જાયો હતો.

પ્રાપ્ત વિગત મુજબ નીલકંઠ ટોકીઝ પાસે મેહુલનગરમાં રહેતા અને સોરઠીયાવાડી સર્કલ પાસે રાજ પાઉંભાજી નામની રેંકડી રાખી વેપાર કરતા શૈલેષભાઇ હાસાનંદભાઈ બુલવાણી (ઉ.વ.44) નામના આધેડ ગત તા.30ના સોરઠીયા વાડી સર્કલએ આવેલી પોતાની પાઉંભાજીની રેંકડીએથી રાત્રીના આગ્યારેક વાગ્યે ત્યાંજ કામ કરતા મહિલા સોનલબેન રાઠોડને બાઇકમાં બેસાડી સયાજી હોટેલ પાસે બેકરીમાં પાઉં લેવા માટે જતા હતા ત્યારે સયાજી હોટેલ સામે યુ ટર્ન લેતી વખતે જીજે-03-એઆર-9068 નંબરની પુરપાટ ઝડપે આવતી કારએ બાઇકને ઠોકરે લેતા આધેડ અને મહિલા રોડ પર ફંગોળાયા હતા. અકસ્માત સર્જાતા માણસો ભેગા થઇ ગયા હતા અને કોઈએ 108ને ફોન કરતા બંનેને તાકીદે વોકહાર્ટ હોસ્પિટલમાં ખસેડવામાં આવ્યા હતા. બનાવની પરિવારને પણ જાણ થતા હોસ્પિટલએ પહોંચ્યા હતા. ચાલુ સારવાર દરમિયાન શૈલેષભાઇનું મોત નીપજ્યું હતું. જયારેસાથે રહેલા સોનલબેનને સામાન્ય ઇજા થતા પ્રાથમિક સારવાર આપવામાં આવી હતી. બનાવ અંગે હોસ્પિટલ સ્ટાફ દ્વારા તાલુકા પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી મૃતદેહને પીએમમાટે સિવિલ હોસ્પિટલ ખસેડ્યો હતો. પોલીસે મૃતકના ભત્રીજા રાહુલભાઈ રમેશભાઈ બુલવાણીની ફરિયાદ પરથી કાર ચાલક સામે ગુનો નોંધી શોધખોળ હાથ ધરી છે. આધેડના મૃત્યુથી સિંધી પરિવારમાં શોક છવાયો છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application