સાળંગપુર દાદાનું અપમાન કરાયું હોવાનો વિવાદ સર્જાયો છે. બોટાદના સાળંગપુરમાં આવેલા કિંગ ઓફ સાળંગપુર પ્રતિમાની નીચે ભિંત ચિત્રોમાં હનુમાનજીને સ્વામીનારાયણ ભગવાનને વંદન કરતા દર્શાવ્યા છે. આમ હનુમાનજી દાદાનું અપમાન સર્જાયાનો વિરોધ શરુ થયો છે. ભીંત ચિંત્રોની તસ્વીરો સોશિયલ મીડિયામાં પણ ખૂબ જ વાયરલ થઈ છે. સાથે જ વિરોધમાં લખાણ પણ લખીને હવે વિરોધ દર્શાવવામાં આવે છે. હનુમાનજીને નીચે દેખાડવાનો પ્રયાસ કરવામાં આવી રહ્યો છે, એવો વિરોધ વ્યાપ્યો છે.

આજે આ મામલે સાંસદ રામ મોકરિયાએ નિવેદન આપ્યું છે, હું પોતે બ્રાહ્મણ છું, મારૂતિ ભગવાનમાં માનું છું. મારું માનવું છે કે, સનાતન ધર્મમાં વિવાદ થાય એ યોગ્ય નથી. ચિત્ર હટાવી દેવા જોઈએ. 

રાજકોટમાં બ્રહ્મ સમાજ આગામી 5 તારીખ સુધીમાં પોસ્ટર હટાવવામાં નહીં આવે તો સાળંગપુર ખાતે પહોંચીને ઉગ્ર વિરોધ કરશે.