​​​​​​​પેરિસ ઓલિમ્પિક ગેમ્સ શરૂ થઈ ગઈ છે. આજે આ ગેમ્સનો પ્રથમ દિવસ છે. આ દિવસે મનુ ભાકર, રોહન બોપન્ના, સાત્વિકસાઈરાજ-ચિરાગ શેટ્ટીની જોડી પોતાનું નસીબ અજમાવશે. હોકી ટીમ પણ આજે પોતાની પ્રથમ મેચ રમશે.

ફ્રાન્સની રાજધાની પેરિસમાં આજે એક અદભૂત અને ઐતિહાસિક ઉદ્ઘાટન સમારોહ સાથે ઓલિમ્પિક ગેમ્સની શરૂઆત થઈ છે. આ ગેમ્સના પ્રથમ દિવસે ભારતીય ખેલાડીઓ પોતાનો પડકાર રજૂ કરવા મેદાનમાં ઉતરશે. ટીમ ઈન્ડિયાના ખેલાડીઓ આજે બેડમિન્ટન, શૂટિંગ, બોક્સિંગ, રોઈંગ, ટેનિસ, હોકી અને ટેબલ ટેનિસમાં પોતાની કૌવત દર્શાવશે.

મનુ ભાકર ક્વોલિફાય

મનુ ભાકર 580 માર્ક્સ સાથે ત્રીજા ક્રમે છે. તેણીએ મહિલાઓની 10 મીટર એર પિસ્તોલ સ્પર્ધાની ફાઇનલમાં પ્રવેશ મેળવ્યો છે. 10 મીટર એર પિસ્તોલની ફાઇનલ આવતીકાલે બપોરે 3.30 કલાકે શરૂ થશે. મનુ ભાકર છેલ્લા 20 વર્ષમાં વ્યક્તિગત ઈવેન્ટમાં ઓલિમ્પિક ફાઇનલમાં પહોંચનારી પ્રથમ ભારતીય મહિલા શૂટર છે. છેલ્લી વખત સુમા શિરુર એથેન્સ 2004માં 10 મીટર એર રાઈફલ ઈવેન્ટની ફાઇનલમાં પહોંચી હતી.