પેરિસ ઓલિમ્પિક 2024માં ભારતને છઠ્ઠો મેડલ મળ્યો છે. ભારતીય કુસ્તીબાજ અમન સહરાવતે પુરુષોની ફ્રી સ્ટાઇલ 57 કિગ્રા વજન વર્ગમાં બ્રોન્ઝ મેડલ જીત્યો હતો. અમને બ્રોન્ઝ મેડલ મેચમાં પ્યુર્ટો રિકોના ડેરિયન ટોઇ ક્રુઝને 13-5થી હરાવ્યો હતો. અમન ઓલિમ્પિકમાં મેડલ જીતનારો સાતમો ભારતીય કુસ્તીબાજ બન્યો છે.

અમનને સેમિફાઇનલ મેચમાં જાપાનના રી હિગુચીના હાથે 0-10થી હારનો સામનો કરવો પડ્યો હતો. અમન સેમિફાઇનલ મેચમાં પ્રથમ ક્રમાંકિત જાપાની કુસ્તીબાજ સામે કંઇ ખાસ કરી શક્યો ન હતો અને મેચ માત્ર 2 મિનિટ 14 સેકન્ડ સુધી ચાલી હતી.

ભારતે પેરિસ ઓલિમ્પિક 2024માં 6 મેડલ જીત્યા છે, જેમાંથી ચાર બ્રોન્ઝ અને એક સિલ્વર છે. સૌ પ્રથમ મનુ ભાકરે 10 મીટર એર પિસ્તોલમાં બ્રોન્ઝ મેળવ્યો હતો. ત્યારબાદ મનુ ભાકરે પણ મિશ્ર ટીમ ઈવેન્ટમાં બીજો બ્રોન્ઝ મેળવ્યો હતો. તેમની સાથે ટીમમાં સરબજોત સિંહ પણ હતો. સ્વપ્નિલ કુસલેએ પુરુષોની 50 મીટર રાઈફલ થ્રી પોઝિશન શૂટિંગમાં ત્રીજો બ્રોન્ઝ મેડલ જીત્યો. ત્યારબાદ હોકી ટીમે બ્રોન્ઝ મેડલ અને નીરજ ચોપરાએ સિલ્વર મેડલ જીત્યો હતો. હવે અમને પેરિસમાં ભારતીય તિરંગો લહેરાવી દિધો છે.