એક સદીથી એવું માનવામાં આવે છે કે તંદુરસ્ત માનવ શરીરનું સરેરાશ તાપમાન 36.6 ડિગ્રી સેલ્સિયસ (98.6 ડિગ્રી ફેરનહીટ) છે પરંતુ સ્ટેનફોર્ડ યુનિવર્સિટીના અભ્યાસમાં આનું ખંડન કરવામાં આવ્યું હતું. જેમાં એવો દાવો કરવામાં આવ્યો હતો કે માનવ શરીરનું સરેરાશ તાપમાન 36.2 ડિગ્રીથી 36.8 ડિગ્રી (97.3 થી 98.2 ડિગ્રી ફેરનહીટ) વચ્ચે હોય છે.
ડો. જુલી પાર્સોનેટની આગેવાની હેઠળના અભ્યાસમાં 2008 થી 2017 દરમિયાન સ્ટેનફોર્ડ હેલ્થ કેરની મુલાકાત લેનારા 6.18 મિલિયન દર્દીઓના બાહ્ય તાપમાનના પરિમાણોનું વિશ્લેષણ કરવામાં આવ્યું હતું. આ સાથે જ માપ્નનો સમય, દર્દીની ઉંમર, લિંગ, બોડી માસ ઇન્ડેક્સ, દવાઓ અને આરોગ્યની સ્થિતિનો પણ અભ્યાસ કરવામાં આવ્યો હતો. જેમાં મોટાભાગના લોકોનું તાપમાન 36.2 ડિગ્રીથી 36.8 ડિગ્રી સેલ્સિયસ વચ્ચે હતું. સંશોધકોનું માનવું છે કે સરેરાશ તાપમાનમાં ઘટાડો થવાનું મુખ્ય કારણ મેટાબોલિક રેટમાં ફેરફાર છે. છેલ્લા 200 વર્ષોમાં સ્વાસ્થ્ય સેવાઓ, સ્વચ્છતા, ખોરાકની ઉપલબ્ધતા અને જીવનધોરણમાં સુધારાને કારણે તાપમાનમાં ઘટાડો થયો છે
ડો. પાર્સોનેટ કહે છે કે સમયની સાથે આપણી શારીરિક સ્થિતિમાં બદલાવ આવ્યો છે. આપણી આસપાસનું વાતાવરણ પણ બદલાઈ ગયું છે. જેના કારણે આપણા ઘરનું તાપમાન નિયંત્રણમાં આવ્યું છે, સૂક્ષ્મજીવોના સંપર્કમાં ઘટાડો થયો છે અને આપણને વધુ સારા અને પૌષ્ટિક ખોરાકની પ્રાપ્તિ થઈ છે. જે દશર્વિે છે કે ભલે આપણે વિચારીએ છીએ કે આપણે માનવ ઉત્ક્રાંતિ દરમિયાન સમાન રહ્યા છીએ પરંતુ વાસ્તવમાં શારીરિક રીતે બદલાવ થઇ રહ્યો છે.