ભારતમાં ચિત્તાઓની અછતને દૂર કરવા માટે હવે દેશમાં નવા ચિત્તા લાવવાનું આયોજન ચાલી રહ્યું છે. આ વખતે કેન્યાથી ચિત્તા લાવવામાં આવે તેવી શક્યતા બળવતર બની છે. હકીકતમાં, આ મહિનાના અંતમાં ભારત કેન્યાના અધિકારીઓના એક પ્રતિનિધિમંડળની યજમાની કરશે. આ દરમિયાન ચિત્તાને ભારતમાં લાવવા પર વાત થઈ શકે છે.વિશ્વના સૌથી ઝડપી દોડતા પ્રાણી દીપડાને લઈને ભારતમાં ફરી એકવાર ચચર્એિ જોર પકડ્યું છે. નામિબિયા અને દક્ષિણ આફ્રિકા બાદ હવે કેન્યાથી ચિત્તા લાવી શકાશે. આ માટે આ મહિનાના અંતમાં ભારત અને કેન્યા વચ્ચે વાતચીત થઈ શકે છે. જેમાં ચિત્તા સોર્સિંગ અને ચિત્તાને ભારતમાં કેવી રીતે લાવી શકાય તેના પર વાત કરવામાં આવશે. વડાપ્રધાન નરેન્દ્ર મોદીએ તેમના જન્મદિવસના અવસર પર 17 સપ્ટેમ્બર 2022ના રોજ કુનો નેશનલ પાર્કમાં પ્રથમ વખત ચિત્તા છોડ્યા હતા. આ ચિત્તાઓને નામીબિયાથી વિશેષ વિમાન દ્વારા ભારત લાવવામાં આવ્યા હતા.

કેન્યાના અધિકારીઓ ગાંધી સાગર અભયારણ્યની મુલાકાત લેશે
ભારત આ મહિનાના અંતમાં કેન્યાના અધિકારીઓના એક પ્રતિનિધિમંડળની યજમાની કરશે. આ સમય દરમિયાન ભારતના પ્રોજેક્ટ ચિતાના આગળના તબક્કા માટે વાતચીત થશે. આ વાતચીત દરમિયાન ચિત્તાઓને ભારત લાવવાની ઈચ્છા અધિકારીઓ સમક્ષ મૂકવામાં આવશે. કેન્યાના આ અધિકારીઓને મધ્યપ્રદેશમાં ગાંધી સાગર અભયારણ્યની મુલાકાત પણ લઈ શકાય છે. જેથી તેઓ મધ્યપ્રદેશ વન વિભાગ દ્વારા કરવામાં આવેલી તમામ વ્યવસ્થાનો સ્ટોક લઈ શકે.

ચિત્તા સોર્સિંગ શું છે?
ચિત્તા સોર્સિંગ એટલે ચિત્તાને એક જગ્યાએથી બીજી જગ્યાએ લાવીને સ્થાયી કરવા અને તેમની વસ્તી વધારવી. કેન્યાથી ચિત્તાને ભારતમાં લાવવાની વાત છે. વાસ્તવમાં, પ્રોજેક્ટ ચિતાના આગળના તબક્કામાં ભારત પાંચ વર્ષ માટે દર વર્ષે કેન્યાથી આઠથી 14 ચિત્તા લાવવા માંગે છે. જેથી કરીને ભારતમાં ચિત્તાઓની સંખ્યા વધી શકે. આ પહેલા પણ ’પ્રોજેક્ટ ચિતા’ હેઠળ અન્ય દેશોમાંથી ચિત્તાઓને ભારતમાં લાવવામાં આવ્યા છે. જેમાં નામીબિયા અને દક્ષિણ આફ્રિકાનો સમાવેશ થાય છે.