અમેરિકાનું એક અવકાશ મિશન જે થોડા દિવસો ચાલવાનું હતું તેને ત્રણ અઠવાડિયાથી વધુ સમય લાગ્યો છે. નાસાના અવકાશયાત્રી સુનિતા વિલિયમ્સ અવકાશમાં ગયા છે , જે સ્પેસક્રાફ્ટ કેપ્સ્યુલમાં સર્જાયેલી ખામીને કારણે પરત ફરી શક્યા નથી ત્યારે નાસાએ જાહેરાત કરી હતી કે તે ફસાયા નથી. પરંતુ મિશનને 90 દિવસ લંબાવી શકાય તેમ છે.

નાસાની ભારતીય-અમેરિકન અવકાશયાત્રી સુનિતા વિલિયમ્સ અવકાશમાં ફસાયેલી છે. તે તેના પાર્ટનર બુચ વિલ્મોર સાથે બોઈંગ સ્ટારલાઈનર મારફતે ઈન્ટરનેશનલ સ્પેસ સ્ટેશન ગઈ હતી. પરંતુ હવે તે ત્યાં જ અટવાઈ ગઈ છે. બોઇંગ કેપ્સ્યુલમાં ખરાબીના કારણે આ બન્યું હતું. નાસાએ હવે કહ્યું છે કે તેના બંને અવકાશયાત્રીઓ લાંબા સમય સુધી અવકાશમાં રહેશે. કારણ કે એન્જિનિયર્સ બોઇંગ કેપ્સ્યૂલમાં ઊભી થતી સમસ્યાઓનું નિવારણ કરવામાં વ્યસ્ત છે.જમીન પર પરીક્ષણ પૂર્ણ ન થાય અને અવકાશયાત્રીઓ સુરક્ષિત ન હોય ત્યાં સુધી નાસાએ પરત ફરવાની તારીખ નક્કી કરી ન હતી.નાસાના કોમર્શિયલ ક્રૂ પ્રોગ્રામ મેનેજર સ્ટીવ સ્ટિચે કહ્યું કે અમે અવકાશયાત્રીઓને પાછા લાવવાની કોઈ ઉતાવળમાં નથી. તેમણે કહ્યું કે નાસા સ્ટારલાઈનરના મિશનની મહત્તમ અવધિ 45 દિવસથી વધારીને 90 દિવસ કરવા પર વિચાર કરી રહી છે.

સ્પેસવોકમાં સમસ્યા
વિલ્મોર અને વિલિયમ્સ પાસે સ્ટેશન સાથે ડોક કરતી વખતે કેપ્સ્યુલની તપાસ કરવા માટે પૂરતો સમય હતો. પરંતુ કેપ્સ્યુલના થ્રસ્ટરમાં ખામીને કારણે નાસા અને બોઇંગને પરત ફ્લાઇટમાં વિલંબ કરવાની ફરજ પડી. નાસાને અવકાશયાત્રીઓના સ્પેસવોકમાં પણ સમસ્યાઓનો સામનો કરવો પડી રહ્યો છે. આ અઠવાડિયે, અવકાશયાત્રીના સ્પેસસુટમાંથી પાણી લીક થયા બાદ સ્પેસવોક રદ કરવામાં આવી હતી. સમસ્યાનો ઉકેલ આવ્યો નથી અને આગામી સપ્તાહે પ્રસ્તાવિત સ્પેસવોક પણ મોકૂફ રાખવામાં આવી છે

ચાર થ્રસ્ટર્સ કામ કરતા થયા
રિપોર્ટ અનુસાર, સ્ટારલાઈનરની ઉડાન પહેલા રોકેટમાં હિલિયમ લીકેજ જોવા મળ્યું હતું. ફ્લાઇટ દરમિયાન ઘણા વધુ લીક જોવા મળ્યા હતા. હિલીયમનો ઉપયોગ થ્રસ્ટર્સ માટે બળતણને દબાણ કરવા માટે થાય છે. નાસા અને બોઇંગ વધુ સારી રીતે સમજવાનો પ્રયાસ કરી રહ્યા છે કે શા માટે કેટલાક થ્રસ્ટર્સ તેમની મુસાફરીના પ્રથમ તબક્કા દરમિયાન અણધારી રીતે નિષ્ફળ જાય છે. પાંચ નિષ્ફળ થ્રસ્ટરમાંથી ચારનું સમારકામ કરવામાં આવ્યું છે.