કોરોના પછી, ચીનમાં એક નવો વાયરસ મળી આવ્યો છે. અમેરિકન વૈજ્ઞાનિકોએ ચેતવણી આપી છે કે એચકેયુ5-સીઓવી-2 નામનો આ વાયરસ માણસોને ચેપ લગાવી શકે છે. હાલમાં, આ વાયરસ ચામાચીડિયામાં જોવા મળ્યો છે, પરંતુ એક નાના ફેરફાર (પરિવર્તન) પછી તે માણસોમાં ફેલાશે. આ વાયરસ એમઈઆરએસ (મિડલ ઇસ્ટ રેસ્પિરેટરી સિન્ડ્રોમ) જેવો જ છે.

એચકેયુ5-સીઓવી -2એ એમઈઆરએસ વાયરસ પરિવારનો એક ભાગ છે, જેમાં મધ્ય પૂર્વ રેસ્પિરેટરી સિન્ડ્રોમ (એમઈઆરએસ - સીઓવી) જેવા ઘાતક વાયરસનો સમાવેશ થાય છે. એચકેયુ5-સીઓવી મુખ્યત્વે ચામાચીડિયામાં જોવા મળે છે.

વોશિંગ્ટન સ્ટેટ યુનિવર્સિટીના સંશોધકોએ એચકેયુ-5 વાયરસનો અભ્યાસ કર્યો અને 'નેચર કોમ્યુનિકેશન્સ' જર્નલમા- તેમના તારણો પ્રકાશિત કર્યા. તેઓએ શોધી કાઢ્યું કે એચકેયુ-સીઓવી-2 નો એક પ્રકાર, વેરિયન્ટ 2, પહેલાથી જ માનવ કોષોને ચેપ લગાડવાની ક્ષમતા ધરાવે છે. વાયરસના સ્પાઇક પ્રોટીનમાં થોડો ફેરફાર તેને માનવ એસીઈ-2 કોષો સાથે જોડવામાં સક્ષમ બનાવી શકે છે, જે લોકોના ગળા, મોં અને નાકમાં જોવા મળે છે.

વૈજ્ઞાનિકોએ 'સ્યુડોવાયરસ' (નકલી વાયરસ) બનાવીને પ્રયોગો કર્યા, જેમાં એચકેયુ-5 ના સ્પાઇક પ્રોટીનનો ઉપયોગ કરવામાં આવ્યો. આ પ્રયોગો દર્શાવે છે કે આ વાયરસ ચામાચીડિયાના કોષોને સરળતાથી ચેપ લગાવે છે, અને જો તે ચોક્કસ પરિવર્તનમાંથી પસાર થાય તો તે માનવ કોષોમાં પણ પ્રવેશી શકે છે. ચામાચીડિયા અને મનુષ્યો વચ્ચે ફક્ત પરિવર્તનમાં વિલંબ થાય છે. જો આ વાયરસ ચામાચીડિયામાંથી મિંક અથવા સિવેટ જેવા બીજા પ્રાણી સુધી પહોંચે છે, તો તે પરિવર્તનમાંથી પસાર થશે, જેના પછી આ વાયરસ મનુષ્યોને ચેપ લગાવી શકશે. નિષ્ણાતોએ ચીની બજારોમાંથી વાયરસ માનવોમાં ફેલાવાનો ભય પણ વ્યક્ત કર્યો છે, કારણ કે આ બજારોમાં પ્રાણીઓને ખુલ્લા અને ખરાબ સ્થિતિમાં રાખવામાં આવે છે.​​​​​​​

થાઇલેન્ડ-ચીનમાં કોવિડ-19ના 1 લાખથી વધુ કેસ

નેશનલ થાઇલેન્ડ રિપોર્ટ મુજબ, જાન્યુઆરીથી મે સુધી થાઇલેન્ડમાં કોવિડ-19ના 1 લાખ 87 હજાર કેસ અને ઓછામાં ઓછા 44 મૃત્યુ નોંધાયા છે. એક અઠવાડિયા (18-24 મે) માં કુલ 67 હજાર નવા કેસ અને આઠ મૃત્યુ નોંધાયા હતા, જેમાં બેંગકોક મોખરે છે.

ભારતમાં 24 કલાકમાં 500 નવા કેસ

ભારતમાં પણ કોરોના વાયરસના કેસ ઝડપથી વધી રહ્યા છે. આરોગ્ય વિભાગના જણાવ્યા અનુસાર, છેલ્લા 20 દિવસમાં કેસોની સંખ્યામાં 58 ગણો વધારો થયો છે. ૧૬ મેના રોજ દેશભરમાં કોવિડના ૯૩ સક્રિય કેસ હતા, જેની સંખ્યા હવે ૫૩૬૪ પર પહોંચી ગઈ છે.કોરોના ૨૯ રાજ્યો અને કેન્દ્રશાસિત પ્રદેશોમાં ફેલાયો છે. છેલ્લા ૨૪ કલાકમાં ૫૦૦ નવા કેસ નોંધાયા છે. કેરળમાં સૌથી વધુ ૧૬૭૯ કેસ છે. આ પછી, ગુજરાતમાં ૬૧૫ સક્રિય કેસ, પશ્ચિમ બંગાળમાં ૫૯૬, દિલ્હીમાં ૫૯૨ અને મહારાષ્ટ્રમાં ૫૪૮ કેસ છે.

જ્યાંથી કોવિડ-19 લીક થયો તે જ લેબમાં સંશોધકો દ્વારા નવા વાયરસની ઓળખ

આ વાયરસ સૌપ્રથમ ચીનના દક્ષિણ અને પૂર્વીય પ્રદેશોમાં ચામાચીડિયામાં જોવા મળ્યો હતો. વુહાન ઇન્સ્ટિટ્યૂટ ઓફ વાયરોલોજીના સંશોધકો દ્વારા તેની ઓળખ કરવામાં આવી હતી. આ એ જ લેબ છે જ્યાંથી કોવિડ-19 લીક થયો હોવાની શંકા છે. આ સમાચાર એવા સમયે આવ્યા છે જ્યારે એશિયામાં સિંગાપોર, હોંગકોંગ, ચીન, થાઇલેન્ડ અને ભારતમાં કોરોના વાયરસના કેસ ઝડપથી વધી રહ્યા છે. ફક્ત ભારતમાં જ સક્રિય કેસોની સંખ્યા 5 હજારને વટાવી ગઈ છે.