રાજકોટ માર્કેટ યાર્ડમાં આજથી રવિ પાકની નવી સીઝનનો પ્રારભં થયો છે અને વિવિધ જણસીઓની સવા લાખ મણથી વધુની આવક થવા પામી હતી. ગઈકાલે મહા શિવરાત્રીની રજા બાદ આજે વહેલી સવારથી ખેડૂતો ઉમટી પડા હતા. હવે આગામી એક મહિના સુધી ઉત્તરોતર આવક વધશે.વિશેષમાં રાજકોટ માર્કેટ યાર્ડના ચેરમેન જયેશભાઇ બોઘરાએ જણાવ્યું હતું કે, આજે વહેલી સવારે રાજકોટ માર્કેટ યાર્ડમાં નવી જણસીઓની સવા લાખ મણથી વધુની આવક નોંધાઇ હતી જેમાં મુખ્યત્વે ચણાની આવક ૩૦૦૦૦ મણ, ધાણાની આવક ૨૦૦૦૦ મણ, જીની આવક ૧૨૦૦૦ મણ, તુવેરની આવક ૧૭૫૦૦ મણ અને ઘઉં ૨૫૦૦૦ મણ, કપાસ ૧૬૦૦૦ મણ અને મગફળીની ૪૦૫૦૦ મણ આવક થવા પામી હતી. ખેડૂતોના જણસીઓ ભરેલા વાહનોને માર્કેટ યાર્ડમાં ક્રમ વાર પ્રવેશ આપી ઉતરાઇ કરાવવામાં આવી હતી