રાજકોટ જિલ્લાના ૧૩ ડેમોમાં છેલ્લા ૨૪ કલાકમાં નવા નીરની આવક થઇ છે. જળાશયોના કેચમેન્ટ વિસ્તાર મુજબ ફોફળ ડેમમાં ૦૮ મી.મી., વેણુ - ૨ ડેમમાં ૦૫ મી.મી., આજી - ૨ ડેમમાં ૧૧ મી.મી., સુરવો ડેમમાં ૧૫ મી.મી., ડોંડી ડેમમાં ૧૦ મી.મી., વેરી ડેમમાં ૩૦ મી.મી., ન્યારી - ૧ ડેમમાં ૧૨ મી.મી., ન્યારી - ૨ ડેમ અને લાલપરી ડેમમાં ૧૫ મી.મી., છાપરવાડી - ૨ ડેમમાં ૧૩ મી.મી., ઇશ્વરીયા ડેમ અને કરમાળ ડેમમાં ૧૦ મી.મી., ઘેલા સોમનાથ ડેમમાં ૦૫ મી.મી. વરસાદ નોંધાયો છે. 

વધુમાં, છેલ્લા ૨૪ કલાકમાં વરસાદના લીધે ભાદર ડેમમાં ૦.૪૩ ફૂટ, આજી - ૧ ડેમ, લાલપરી ડેમ અને છાપરવડી - ૨ ડેમમાં ૦.૩૩ ફૂટ, આજી - ૨ ડેમમાં ૦.૯૮ ફૂટ, ન્યારી - ૧ ડેમમાં ૦.૧૬ ફૂટનો ઉંડાઈમાં વધારો નોંધાયો છે. તેમ રાજકોટ સિંચાઈ પુર વર્તુળ એકમની યાદીમાં જણાવાયું છે.