રાજકોટની AIIMS હોસ્પિટલમાં નવા ડેપ્યુટી ડાયરેક્ટર કર્નલ અંકુર પ્રતાપ સિંહે પોતાનો પદભાર સંભાળ્યો છે. આ પ્રસંગે રાજકોટ કલેક્ટર પ્રભવ જોશી, જિલ્લા વિકાસ અધિકારી આનંદુ સુરેશ ગોવિંદ અને જિલ્લા આરોગ્ય અધિકારીએ શુભેચ્છા મુલાકાત લીધી હતી.

આ મુલાકાત દરમિયાન કલેક્ટર પ્રભવ જોશીએ AIIMSમાં આર્ટિફિશિયલ ઇન્ટેલિજન્સ (AI) આધારિત આરોગ્ય સુવિધાઓ વિકસાવવા અને સંશોધન પર ભાર મૂક્યો હતો. અધિકારીઓએ હોસ્પિટલના તમામ વિભાગો અને અદ્યતન બિલ્ડિંગની મુલાકાત લીધી હતી. AIIMSમાં ઉપલબ્ધ ઉપયોગી સાધનો, દવાઓનો સ્ટોક અને અદ્યતન ટેક્નોલોજીથી સજ્જ સુવિધાઓ વિશે માહિતી મેળવી હતી.