નવસારી પોલીસે એક ચોંકાવનારી ઘટનામાં CMO કાર્યાલયના નકલી કર્મચારીની ધરપકડ કરી છે. આરોપી નિતેશ ચૌધરીએ પ્રાંત અધિકારીને છેતરીને જમીન સંબંધિત કામ કરાવવાનો પ્રયાસ કર્યો હતો.

પ્રાપ્ત માહિતી અનુસાર નિતેશ ચૌધરીએ પોતાને CMO કાર્યાલયનો કર્મચારી જણાવીને પ્રાંત અધિકારીનો સંપર્ક કર્યો હતો. તેણે પ્રાંત અધિકારીને સીસોદ્રાની જમીનના વિવાદ સંબંધિત ફરિયાદી કાર્યાલયમાં આવ્યો હોવાનું જણાવ્યું હતું. જો કે, પ્રાંત અધિકારીને આ વાત પર શંકા ગઈ અને તેમણે તપાસ કરવાનું નક્કી કર્યું.

તપાસમાં જાણવા મળ્યું કે, CMO કાર્યાલયમાં નિતેશ ચૌધરી નામનો કોઈ કર્મચારી કામ કરતો નથી. આ વાતની જાણ થતાં પ્રાંત અધિકારીએ તરત જ પોલીસમાં ફરિયાદ નોંધાવી હતી. પોલીસે તાત્કાલિક કાર્યવાહી કરીને નિતેશ ચૌધરીની ધરપકડ કરી છે.