પ્રોબેશનલ ડીવાયએસપી સહિત મહિલા વિભાગની 'શી' ટીમ પણ રાસ-ગરબામાં હિસ્સેદાર બની

જામનગર ના એમ પી શાહ કોમર્સ કોલેજના મેદાનમાં સહિયર નવરાત્રી મહોત્સવ ચાલી રહ્યા છે, જે નવરાત્રી મહોત્સવ માં ગઈકાલે સાતમા નોરતે જામનગર જિલ્લાના એસ.પી. પ્રેમસુખ ડેલુ પોતાના પરિવાર સાથે ઉપસ્થિત રહ્યા હતા, અને સહિયર નવરાત્રી મહોત્સવના આયોજક બહેનોની સાથે સજોડે ગરબે ઘુમ્યા હતા.

જામનગરના એસપી પ્રેમસુખ ડેલુ તેમજ અન્ય પોલીસ વિભાગની અલગ અલગ ટીમ દ્વારા નારી સુરક્ષા તેમજ વ્યસન મુક્તિ સહિતના જુદા જુદા મુદ્દાઓ સાથે નવરાત્રી મહોત્સવમાં કડક સુરક્ષા વ્યવસ્થા ગોઠવવામાં આવી રહી છે, જેની સાથે સાથે પોલીસ વિભાગની 'શી' ટીમ પણ જોડાઈ છે, જે સાદા પહેરવેશમાં નવરાત્રી મહોત્સવમાં જોડાય છે અને ગરબે રમતી બાળાઓની સુરક્ષા વ્યવસ્થા પણ જાળવી રહ્યા છે, દરમિયાન ગઈકાલે જિલ્લા પોલીસવડા પ્રેમસુખ ડેલુ પોતાના પત્ની સાથે ગરબે રમ્યા હતા, ઉપરાંત જામનગરના પ્રોબેશનલ ડીવાયએસપી નયના ગોરડીયા તથા અન્ય મહિલા પીએસઆઇ અને અન્ય મહિલા પોલીસ અધિકારીઓની ટીમ પણ જોડાઈ હતી, અને ગરબે રમીને માતાજીના ગુણગાન ગાયા હતા. તેમજ સુરક્ષા કવચ પૂરું પાડ્યું હતું.