લોહાણા જ્ઞાતિના કોટેચા પરિવારના કુળદેવી માતાજી શ્રી માં ભવાની અને આરાધ્ય શ્રી રાંદલ માતાજીના સાનિધ્યમાં દર વર્ષની જેમ આ વર્ષે પણ શારદીય નવરાત્રી મહાયજ્ઞ મહોત્સવનું સુંદર આયોજન કરવામાં આવ્યું છે. પોરબંદર નજીક બોખીરા, ત્રીજા માઇલ પાસે આવેલા "કોટેચા કેવલધામ" ખાતે શનિવાર તારીખ 12 ના રોજ નવમા નોરતે વિવિધ કાર્યક્રમો યોજવામાં આવ્યા છે.

જેમાં સવારે 9:30 વાગ્યે યજ્ઞનો પ્રારંભ થશે. સવારે 11 વાગ્યે નૂતન ધ્વજારોહણ બાદ 11:30 વાગ્યે હોમાત્મક વિધિ તેમજ નૈવેદ્ય સાથે અન્નકૂટના દર્શન તેમજ બપોરે 1:30 વાગ્યે 351 દીવડાઓની આરતી પછી બે વાગ્યે સમૂહ પ્રસાદનું આયોજન કરવામાં આવ્યું છે. 20 માં શારદીય નવરાત્રી મહાયજ્ઞ મહોત્સવમાં સહભાગી થવા સર્વે કોટેચા પરિવારજનોને આયોજકો દ્વારા અપીલ કરવામાં આવી છે.