અબજોપતિ ઈલોન મસ્ક ટેકનિકલી ડિપાર્ટમેન્ટ ઓફ ગવર્નમેન્ટ એફિશિયન્સી (ડોજ ) ટીમનો ભાગ નથી, પરંતુ તેના બદલે રાષ્ટ્રપતિ ડોનાલ્ડ ટ્રમ્પના વરિષ્ઠ સલાહકાર છે, એમ વ્હાઇટ હાઉસે જણાવ્યું છે. બીજી તરફ, ગઈકાલે એક ફેડરલ ન્યાયાધીશે મસ્ક અને ડિપાર્ટમેન્ટ ઓફ સ્ટેટ એફિશિયન્સીને સરકારી ડેટા સિસ્ટમ્સ ઍક્સેસ કરવા કે કર્મચારીઓની છટણી કરવાથી તાત્કાલિક રોક લગાવવાનો ઇનકાર કર્યો હતો.

ટ્રમ્પ વહીવટીતંત્ર દ્વારા હજારો ફેડરલ કર્મચારીઓની છટણી વચ્ચે, સરકારી ડેટા સુધી ડોજની પહોંચ અંગે ચાલી રહેલા કાનૂની કેસમાં મસ્ક મુખ્ય ભૂમિકા ભજવી શકે છે. મસ્કને ડોજના પ્રભારી વ્યક્તિ કરતાં સલાહકાર તરીકે વ્યાખ્યાયિત કરવાથી ટ્રમ્પ વહીવટીતંત્રને એવા મુકદ્દમામાં મદદ મળી શકે છે જેમાં દલીલ કરવામાં આવી છે કે મસ્ક પાસે ખૂબ શક્તિ છે, ભલે તે સેનેટ દ્વારા ચૂંટાયા ન હોય અથવા પુષ્ટિ ન મળી હોય.

સોમવારે ડોજ ટીમમાંથી મસ્કની ગેરહાજરીની જાણ કરવામાં આવી હતી કારણ કે ટ્રમ્પ વહીવટીતંત્ર ઘણા ડેમોક્રેટિક રાજ્યોના મુકદ્દમાઓ ટાળવા માંગે છે. આ મુકદ્દમા મસ્ક અને ડોજ ટીમને સરકારી સિસ્ટમો સુધી પહોંચતા અટકાવવા માટે દાખલ કરવામાં આવ્યા છે.

બીજી તરફ, ટ્રમ્પ વહીવટીતંત્ર કહે છે કે મસ્ક ડોજના કર્મચારી નથી, અને તેમની પાસે સરકારી નિર્ણયો લેવાનો અધિકાર પણ નથી. વ્હાઇટ હાઉસ ઓફિસ ઓફ એડમિનિસ્ટ્રેશનના ડિરેક્ટર જોશુઆ ફિશરે કોર્ટના દસ્તાવેજોમાં આ માહિતી આપી હતી. કોર્ટના દસ્તાવેજોમાં ડોજ ના એડમિનિસ્ટ્રેટરનું નામ નથી, જેમના કાર્યની મસ્કે તેમના સોશિયલ મીડિયા પ્લેટફોર્મ એક્સ પરની પોસ્ટ્સમાં પ્રશંસા કરી હતી. વધુમાં, મસ્ક પહેલાથી જ વ્હાઇટ હાઉસમાં વ્યક્તિગત હાજરી આપીને ડોજ એડમિનિસ્ટ્રેટરની પ્રશંસા કરી ચૂક્યા છે.

ગઈકાલે વ્હાઇટ હાઉસના પ્રેસ સેક્રેટરી કેરોલિન લેવિટે ડોજ નું નેતૃત્વ કોણ કરી રહ્યું છે તે કહેવાનો ઇનકાર કર્યો હતો. તેમણે ઉમેર્યું કે છટણી ડોજ કરતાં વ્યક્તિગત એજન્સીના વડાઓ પર આધાર રાખે છે. ડિપાર્ટમેન્ટ ઓફ ગવર્નમેન્ટ એફિશિયન્સી (ડોજ ) ની ટીમ ફેડરલ ખર્ચ ઘટાડવા માટે કામ કરી રહી છે. આ ટીમ એક એજન્સીથી બીજી એજન્સીમાં ફરી રહી છે, અને કોમ્પ્યુટર સિસ્ટમ અને બજેટ વગેરેમાં હેકિંગ કરીને છેતરપિંડી અને ભંડોળના દુરુપયોગ વિશે માહિતી એકત્રિત કરી રહી છે. ડોજ ટીમની કાર્યવાહી બાદ મુકદ્દમા વધી રહ્યા છે. મુકદ્દમામાં આરોપ છે કે ટ્રમ્પ અને ડોજ કાયદાનું ઉલ્લંઘન કરી રહ્યા છે. મસ્કને બે મુકદ્દમામાં નિશાન બનાવવામાં આવ્યા છે.

ડોજના પ્રયાસથી અંદાજિત 50 બિલિયન ડોલરની બચત થઈ: યુએસ ટ્રેઝરી સેક્રેટરી

યુએસ ટ્રેઝરી સેક્રેટરી સ્કોટ બેસેન્ટે જણાવ્યું હતું કે યુએસ કરદાતાઓએ તેમના ખાનગી ડેટાની સુરક્ષા વિશે ચિંતા કરવાની જરૂર નથી. ઈલોન મસ્કની ડિપાર્ટમેન્ટ ઓફ ગવર્નમેન્ટ એફિશિયન્સી ટીમ ફેડરલ સરકારને વધુ કાર્યક્ષમ બનાવવાનો પ્રયાસ કરે છે. બેસેન્ટે એક ઇન્ટરવ્યુ દરમિયાન જણાવ્યું હતું કે ડોજ ટીમના પ્રયાસથી અત્યાર સુધીમાં અંદાજિત 50 બિલિયન ડોલર બચત થઇ છે. તેથી આ ખૂબ જ સારી શરૂઆત છે. અમેરિકનોએ આમાંથી કોઈ પણ બાબતમાં ચિંતા કરવાની જરૂર નથી. બેસેન્ટે કહ્યું કે ટ્રેઝરીમાં બે લોકો પાસે ચુકવણી સિસ્ટમ્સને ફક્ત વાંચવાના ઍક્સેસ છે, જેનો અર્થ એ છે કે તેમની પાસે કોઈ ફેરફાર કરવાની ક્ષમતા નથી.