પાકિસ્તાન આર્મી જનરલ મુનીરને ફિલ્ડ માર્શલના હોદ્દા પર બઢતી આપવામાં તેના પર જેલમાં બંધ પાકિસ્તાનના ભૂતપૂર્વ વડા પ્રધાન ઇમરાન ખાને ગુરુવારે આસીમ મુનીર પર કટાક્ષ કર્યો હતો. ઇમરાને કહ્યું, "આર્મી ચીફ જનરલ અસીમ મુનીરે પોતાને ફિલ્ડ માર્શલની જગ્યાએ 'રાજા' જ બનાવી દેવા જોઈતા હતા. કારણ કે હાલમાં પાકિસ્તાનમાં જંગલરાજ પ્રવર્તી રહ્યું છે.

ઇમરાન ખાને વધુમાં કહ્યું કે છેલ્લા ત્રણ વર્ષમાં પાકિસ્તાનનું નૈતિક અને બંધારણીય માળખું સંપૂર્ણપણે તૂટી ગયું છે. તમને જણાવી દઈએ કે ઈમરાન ખાન ઘણા કેસોને કારણે ઓગસ્ટ 2023 થી જેલમાં છે. જ્યારે તેઓ પાકિસ્તાનના વડા પ્રધાન હતા, ત્યારે પણ અસીમ મુનીર સાથેના તેમના સંબંધોમાં તણાવ હતો. ઇમરાન ખાન સામે કાર્યવાહી થયા બાદ, તેમની પાર્ટી પીટીઆઈના નેતાઓ સામે પણ અનેક કાર્યવાહી કરવામાં આવી હતી. તાજેતરમાં, ભારત સાથેના તણાવ દરમિયાન, પીટીઆઈ નેતાઓએ પાકિસ્તાની સેના દ્વારા કરવામાં આવેલા ઓપરેશન પર સંસદમાં પણ પ્રશ્નો ઉઠાવ્યા હતા. હાલમાં, જો પાકિસ્તાનમાં કોઈ જનરલ અસીમ મુનીર અને વડા પ્રધાન શાહબાઝ શરીફની જોડી પર સવાલ ઉઠાવવા જઈ રહ્યું છે, તો તે ભૂતપૂર્વ વડા પ્રધાન ઇમરાન ખાન છે.

ઈમરાન ખાને સોશિયલ મીડિયા પોસ્ટમાં કહ્યું, "માશાલ્લાહ, જનરલ અસીમ મુનીરને ફિલ્ડ માર્શલ બનાવવામાં આવ્યા છે. જોકે, તેમને 'રાજા'નું બિરુદ આપવું વધુ સારું હોત કારણ કે હાલમાં દેશમાં જંગલરાજ છે અને જંગલમાં એક જ રાજા છે." તેમણે એમ પણ કહ્યું કે તેમની સાથે કોઈપણ સોદાની અફવાઓ સંપૂર્ણપણે ખોટી છે. કોઈ સોદો નથી, કોઈ વાટાઘાટો ચાલી રહી નથી, આ પાયાવિહોણા જૂઠાણા છે.

જોકે, ઇમરાને ખુલ્લેઆમ લશ્કરને હાકલ કરી હતી કે જો તેઓ ખરેખર પાકિસ્તાનના હિતો અને ભવિષ્યની કાળજી રાખતા હોય તો તેઓ તેમની સાથે વાતચીત કરે. ઇમરાન ખાને કહ્યું, "દેશ બાહ્ય જોખમો, આતંકવાદમાં વધારો અને આર્થિક સંકટનો સામનો કરી રહ્યો છે. આપણે એક થવું જોઈએ. મેં પહેલાં ક્યારેય મારા માટે કંઈ માંગ્યું નથી અને હવે પણ માંગીશ નહીં."

ઇમરાન ખાને શાહબાઝ શરીફ સરકારને ભારત દ્વારા વધુ એક હુમલા અંગે ચેતવણી આપી હતી અને કહ્યું હતું કે આવી કોઈપણ પરિસ્થિતિ માટે તૈયાર રહેવું જોઈએ. તેમણે કહ્યું કે પાકિસ્તાન એવી જગ્યાએ ફેરવાઈ ગયું છે જ્યાં કાયદો ફક્ત નબળા લોકો પર જ લાગુ પડે છે.

તેમણે કહ્યું, "હાલની પરિસ્થિતિ દર્શાવે છે કે જમ્હૂરિયત (લોકશાહી)નો અસલી સાર કચડી નાખવામાં આવી રહ્યો છે. જ્યારે તમે સંદેશ આપો છો કે ચોર જેટલો મોટો હશે, તેટલો જ ઉચ્ચ હોદ્દો તે સંભાળશે, ત્યારે તમે ન્યાયને દફનાવી દો છો. એનબીએ પાસે હજુ પણ (રાષ્ટ્રપતિ) આસિફ ઝરદારીની બહેન વિરુદ્ધ કર્મચારીઓના નામે નોંધાયેલા પાંચ એપાર્ટમેન્ટના સંદર્ભમાં કેસ નોંધાયેલ છે. તે વિદેશમાં છે અને કોઈ તેમની પૂછપરછ કરવાની હિંમત કરતું નથી. શાહબાઝ શરીફ પર 22 અબજ પાકિસ્તાની રૂપિયાના મની લોન્ડરિંગ કેસમાં આરોપી હતા, છતાં તેમને વડા પ્રધાન બનાવવામાં આવ્યા હતા."