માલદીવમાં ભારતીય સેનાની હાજરીને લઈને બંને દેશો વચ્ચે વિવાદ ચાલી રહ્યો છે. દરમિયાન, એક મહત્વપૂર્ણ વિકાસ જોવા મળ્યો છે. માલદીવમાં ભારતીય સૈન્ય જવાનોની હાજરીને લઈને બંને દેશો વચ્ચે વાતચીત થવાની છે. માલદીવનું એક ઉચ્ચ સ્તરીય પ્રતિનિધિમંડળ વાતચીત માટે દિલ્હી પહોંચ્યું છે. પ્રતિનિધિમંડળમાં રાજદ્રારી અને લશ્કરી બંને પ્રતિનિધિઓ સામેલ છે. ભારત સાથે આ મુદ્દે ચર્ચા કરવા માટે તેઓ શુક્રવારે બીજી કોર ગ્રૂપની બેઠકમાં હાજરી આપે તેવી અપેક્ષા છે.રાષ્ટ્ર્રપતિ મોહમ્મદ મુઈઝુએ માલદીવમાંથી ભારતીય સૈન્ય કર્મચારીઓને હટાવવાની માંગ કરી હતી. તેમની માંગને પગલે કોર ગ્રુપની રચના કરવામાં આવી હતી. ભારતીય સૈનિકો માનવતાવાદી હેતુઓ માટે માલદીવમાં તૈનાત છે. કોર ગ્રૂપની પ્રથમ બેઠક ૧૪ જાન્યુઆરીએ માલેમાં યોજાઈ હતી. પ્રથમ બેઠક બાદ ભારત તરફથી એક નિવેદન બહાર પાડવામાં આવ્યું હતું. મીટિંગમાં પરસ્પર વ્યવહા ઉકેલો શોધવા પર કેન્દ્રિત ચર્ચાઓ પ્રકાશિત કરવામાં આવી હતી જે માલદીવના લોકોને માનવતાવાદી અને તબીબી કટોકટી બચાવ સેવાઓ પૂરી પાડતા ઉડ્ડયન પ્લેટફોર્મના સતત સંચાલનને મંજૂરી આપશે, તે જણાવ્યું હતું.


જોકે, આ બેઠક અંગે માલદીવનું વલણ અલગ હતું. માલદીવે કહ્યું હતું કે બેઠકમાં ભારતીય સૈન્ય કર્મચારીઓની વાપસીને ઝડપી બનાવવાની જરિયાત પર ભાર મૂકવામાં આવ્યો હતો. માલદીવમાં યારથી સત્તામાં આવ્યા છે ત્યારથી મોહમ્મદ મુઈઝુ ભારતીય સૈનિકોને પાછા ખેંચવાનો મુદ્દો ઉઠાવી રહ્યા છે. તેણે પોતાની આખી ચૂંટણી ઈન્ડિયા આઉટના નામે લડી. મોહમ્મદ મુઈઝૂ માલદીવના લોકોમાં ભારતની આવી છબી બનાવવામાં સફળ થયા છે.જેના કારણે એવું લાગે છે કે અહીં ભારતીય સેનાની મોટી ટુકડી છે. પરંતુ તે એવું નથી.માલદીવમાં ભારતીય સેનાના લગભગ ૭૭ જવાનો હાજર છે. આ સૈન્ય કર્મચારીઓ માલદીવના લોકોની મદદ માટે છે. અહીં બે હેલિકોપ્ટર અને એક પ્લેન છે, જેણે અત્યાર સુધીમાં સેંકડો વખત લોકોને મદદ કરી છે