એક અહેવાલમાં ટોચના સરકારી સૂત્રોને ટાંકીને કહેવામાં આવ્યું છે કે ભારત પાકિસ્તાન સાથે યુદ્ધવિરામ સમાપ્ત કરવાનું ગંભીરતાથી વિચારી રહ્યું છે. સૂત્રોનું કહેવું છે કે પાકિસ્તાન દ્વારા વારંવાર યુદ્ધવિરામ ઉલ્લંઘન અને સરહદ પારના આતંકવાદને રોકવામાં નિષ્ફળતાને કારણે ભારત કડક વલણ અપનાવી રહ્યું છે.

સૂત્રોએ જણાવ્યું છે કે ટોચના સુરક્ષા અધિકારીઓ યુદ્ધવિરામ સમાપ્ત કરવા અને તેના પરિણામો માટે સંપૂર્ણપણે તૈયાર છે. તેમણે કહ્યું કે ભારતને તેની સરહદો અને નાગરિકોનું રક્ષણ કરવાનો સંપૂર્ણ અધિકાર છે અને આ સંદર્ભમાં નિર્ણય લેવામાં આવશે. અહેવાલ મુજબ, તેમણે વધુમાં કહ્યું કે પહેલગામમાં થયેલો આતંકવાદી હુમલો પાકિસ્તાનની નિષ્ફળતા દર્શાવે છે.

રિપોર્ટ અનુસાર, તેમણે કહ્યું કે પાકિસ્તાને આતંકવાદીઓને નાણાકીય સહાય પૂરી પાડવા અંગે ફાઇનાન્સિયલ ટાસ્ક ફોર્સ અને આંતરરાષ્ટ્રીય ભાગીદારોને આપેલા પોતાના વચનોનો વારંવાર ભંગ કર્યો છે. તેમણે કહ્યું કે લશ્કર અને ટીઆરએફ જેવા જૂથો નવા નામો સાથે ખુલ્લેઆમ કાર્યરત છે.