ખંભાળિયા નજીકના હાપી વાડી રહેતા ધરણાતભાઈ નારણભાઈ કાંબરીયા નામના આહીર યુવાનની ૧૬ વર્ષની તરુણ પુત્રી જાનવીબેનને તેણીના માતાએ ઘરકામ બાબતે ઠપકો આપતા આનાથી તેણીને મનમાં લાગી આવ્યું હતું.
આનાથી વ્યથિત થઈને જાનવીએ પોતાના હાથે ઝેરી દવા પી લેતા તેણીને ગંભીર હાલતમાં સારવાર અર્થે હોસ્પિટલમાં ખસેડવામાં આવી હતી. જ્યાં સારવાર દરમિયાન જાનવીબેને અંતિમ શ્વાસ લીધા હતા. આ બનાવ અંગેની જાણ ધરણાતભાઈ નારણભાઈ કાંબરીયા (ઉ.વ. ૪૪, રહે. હાપી વાડી) એ અહીંની પોલીસને કરી છે.
***
દ્વારકામાં પરપ્રાંતિય ભિક્ષુકનું મૃત્યુ
દ્વારકામાં રુક્ષ્મણી ગેઈટ વિસ્તારમાં રહેતા અને ભિક્ષાવૃત્તિ કરતા સ્વામી હરિદાસ દંગપીગલી નામના ૫૬ વર્ષના પ્રૌઢનું બીમારી દરમિયાન મૃત્યુ નિપજ્યું હોવા અંગેની જાણ સ્થાનિક પોલીસને કરવામાં આવી છે.
***
કાલાવડમાં હાર્ટએટેકથી વૃઘ્ધનું પ્રાણ પંખેરુ ઉડયું
કાલાવડના પંજેતરનગર વિસ્તારમાં એક વૃઘ્ધને અચાનક હાર્ટએટેક આવતા તેમનું મૃત્યુ નિપજયાનું પોલીસ ચોપડે જાહેર થયું છે. કાલાવડના પંજેતરનગરમાં આવેલ સિલ્વર સોસાયટીમાં રહેતા દાઉદભાઇ કાસમભાઇ મોવર (ઉ.વ.૫૮) નામના વૃઘ્ધ ગઇકાલે ચા પીને બાથરુમ તરફ જતા હતા ત્યારે અચાનક પડી જતા બેભાન બની ગયા હતા આથી સારવારમાં લઇ જતા હાર્ટએટેક આવવાથી મૃત્યુ થયુ હતું.આ અંગે સિલ્વર સોસાયટીમાં રહેતા અજીમ તારીફ દાઉદભાઇએ કાલાવડ ટાઉન પોલીસમાં જાણ કરતા પોલીસ દ્વારા આગળની કાર્યવાહી હાથ ધરવામાં આવી હતી.