દેશભરના લાખો વિદ્યાર્થીઓ માટે રાહતના સમાચાર છે જેઓ સીબીએસઈ બોર્ડ પરીક્ષા 2025 ના પરિણામોની આતુરતાથી રાહ જોઈ રહ્યા હતા. સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ આખરે ધોરણ 10 અને 12 ના બોર્ડ પરિણામો જાહેર કર્યા છે.

સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઈ ) એ તેની સત્તાવાર વેબસાઈટ પર 12મા ધોરણની પરીક્ષાનું પરિણામ જાહેર કર્યું છે. જેમાં કુલ ૮૮.૩૯ ટકા વિદ્યાર્થીઓ પાસ થયા છે. ગયા વર્ષ કરતાં પાસ થવાની ટકાવારી 0.41% વધી છે. વિદ્યાર્થીનીઓએ વિદ્યાર્થીઓ કરતાં ૫.૯૪ ટકાથી વધુ પોઇન્ટ મેળવ્યા. ૯૧ ટકાથી વધુ વિદ્યાર્થીઓએ પરીક્ષા પાસ કરી.

ધોરણ ૧૦માં આ વર્ષે કુલ ૯૩.૬૦% વિદ્યાર્થીઓ પરીક્ષામાં પાસ થયા છે. ગયા વર્ષ કરતાં આ 0.06% વધુ છે, જે દર્શાવે છે કે વિદ્યાર્થીઓ સતત સારું પ્રદર્શન કરી રહ્યા છે. ફરી એકવાર વિદ્યાર્થીનીઓએ પરિણામોમાં જીત મેળવી છે. આ વખતે ૯૫% વિદ્યાર્થીનીઓઓ પાસ થઈ છે, જ્યારે વિદ્યાર્થીઓનો સફળતા દર આના કરતા ૨.૩૭% ઓછો હતો. છેલ્લા કેટલાક વર્ષોથી આ ટ્રેન્ડ ચાલુ છે, જ્યાં વિદ્યાર્થીનીઓઓ બોર્ડની પરીક્ષાઓમાં વિદ્યાર્થીઓ કરતાં આગળ નીકળી રહી છે. અગાઉ બોર્ડે ધોરણ ૧૨નું પરિણામ જાહેર કર્યું હતું.

સીબીએસઈ બોર્ડના 12મા ધોરણના પરિણામમાં ટકાવારી વિશે વાત કરીએ તો, આ વર્ષે પણ વિદ્યાર્થીનીઓએ બાજી મારી છે. વિદ્યાર્થીનીઓની પાસ થવાની ટકાવારી 91.64% છે, જ્યારે વિદ્યાર્થીઓની ટકાવારી 85.70% છે અને ટ્રાન્સજેન્ડરોની પાસ થવાની ટકાવારી 100% છે. આ વર્ષનું પરિણામ 2024 કરતાં સારું રહ્યું છે. વિદ્યાર્થીનીની પાસ થવાની ટકાવારી છોકરાઓ કરતાં 5.94% વધુ છે.

આ વર્ષે સીબીએસઈ એ 7,842 પરીક્ષા કેન્દ્રો અને 26 આંતરરાષ્ટ્રીય સ્થળોએ બોર્ડ પરીક્ષાઓનું આયોજન કર્યું હતું. જેમાં 42 લાખ વિદ્યાર્થીઓએ પરીક્ષા આપી હતી, જેમાંથી 24.12 લાખ વિદ્યાર્થીઓ ધોરણ 10ના અને 17.88 લાખ વિદ્યાર્થીઓ ધોરણ 12ના હતા. ધોરણ 10ની પરીક્ષાઓ 15 ફેબ્રુઆરીથી 18 માર્ચ, 2025 દરમિયાન લેવામાં આવી હતી. ધોરણ 12ના પેપર 4 એપ્રિલ, 2025ના રોજ પૂર્ણ થયા હતા. બધી શાળાઓએ 14 ફેબ્રુઆરી સુધીમાં પ્રેક્ટિકલ માર્ક્સ સબમિટ કરી દીધા હતા

સીબીએસઈ પરીક્ષામાં ધોરણ 10 ના વિદ્યાર્થીઓએ પાસ થવા માટે 33% ગુણ મેળવવા જરૂરી છે, જેમાં થિયરી અને આંતરિક મૂલ્યાંકન બંને ગુણનો સમાવેશ થાય છે. ધોરણ ૧૨ ના વિદ્યાર્થીઓએ થિયરી અને પ્રેક્ટિકલ બંનેમાં અલગ-અલગ ૩૩ ટકા ગુણ મેળવવા જરૂરી છે. જો કોઈ વિદ્યાર્થી આ માપદંડને ૦૧ કે તેથી ઓછા ગુણ પૂરા કરવામાં નિષ્ફળ જાય, તો ગ્રેસ માર્ક્સ આપવામાં આવી શકે છે.