ચોરીના આ બનાવની જાણવા મળતી વિગતો મુજબ, ધોરાજીમાં હીરપરા વાડી મોતીનગર પુલ પાસે રહેતા આશિષભાઇ લાલજીભાઇ ઘેલાણી(ઉ.વ ૩૫) દ્વારા ચોરી આ બનાવ અંગે જેતપુર તાલુકા પોલીસ મથકમાં ફરિયાદ નોંધવવામાં આવી છે.જેમાં જણાવ્યું છે કે, તેમને રાજકોટ પોરબંદર નેશનલ હાઇવે પર મોટા ગુંદાળા ગામ પાસે એકવાટિકસ પુલ્સ નામે વોટરપાર્ક તથા રેસ્ટોરન્ટ આવેલું છે.

ગઇ તા. ૩૦/૪ ના સવારના તેમને રેસ્ટોરન્ટના મેનેજરનો ફોન આવ્યો હતો અને કહ્યું હતું કે અહીં ચોરીનો બનાવ બન્યો છે.જેથી ફરિયાદી અહીં વોટરપાર્ક પર પહોંચતા અને કર્મચારીને પુછતા માલુમ પડયું હતું.કે રાત્રીના કોઇ અજાણ્યા શખસે અહીં ઘૂસી રિસેપ્શન ટેબલમાંથી રોકડ રૂ. ૧ હજાર તથા રૂ.૧૦ હજારની કિંમતનો મોબાઇલ ફોન સહિત રૂ. ૧૧ હજારની મત્તા ચોરી કરી લીધી હતી. બાદમાં સીસીટીવી ફૂટેજ ચકાસતા રાત્રીના ૨:૧૦ કલાકે એક અજાણ્યો શખસ અહીં વોટરપાર્કમાં આવતો નજરે પડયો હતો.જે ટેબલના ખાનામાંથી રોકડ અને મોબાઇલ ચોરી કરી ગયો હતો. આ અંગે પોલીસ ફરિયાદ કરતા પોલીસે ગુનો નોંધી સીસીટીવી ફૂટેજના આધારે આ શખસને ઝડપી લેવા તપાસ હાથ ધરી છે.